بو گئجه گلدی گلدی بیر گل رعنا
غرق اولوب نوره نوره دامن لیلا
یارانوب خلقا خلقا مظهر طاها
دردلره درمان گلوب
عالمه سلطان گلوب
غیرته داغ وقاره دریا
رحمت حی ازل
طلعتی آیدان گوزل
هیکلی معرفت سراپا
دلربا آدی هر درده دوادی
نوه ی حضرت خیرالنسادی
اورگنوب جنگی عباس عموسینان
قهرمان و یل کرب وبلادی
یارادوب زیبا زیبا حی تبارک
ایاقین ئوپسون حورا گلدیله تک تک
(یا علی اکبر ٬ اکبر ٬ یا علی اکبر)
ملکوت اهلی اهلی گویده چالور ال
گوز آچوب دهره دهره میر مفضل
طلعتی عینا عینا خاتم مرسل
ملک ادب شاهیدی
برج شرف ماهیدی
اهل ولانین افتخاری
کنز یم و فضلیدی
عینا اباالفضلیدی
غیرت و حشمت و وقاری
در پر قیمت بحر شرفدی
جود و تقوا و ایمانه صدفدی
علوی شهرت اولموش بو دلاور
چونکی همنام سلطان نجفدی
وادی یثرب یثرب دوندی جنانه
سونوب یکسر یکسر اهل زمانه
(یا علی اکبر ٬ اکبر ٬ یا علی اکبر)
یوزینه حیران حیران یوسف کنعان
لبلری عینا عینا لعل بدخشان
پیچش ذلفی عینا آیۀ قرآن
آچدی گوزون عالمه
بند دل فاطمه
کرببلایه گلدی حیدر
وجده گلوب عرشیان
شوره گلوب فرشیان
از قدم علی اکبر
گلدی آئینه ی حضرت طاها
عرصه جنگیده یکه و تنها
همصدا سویلیور گویده ملکلر
اووین آباد اولا حضرت لیلا
ای گل ناز باغ شاه شهیدان
عالمین جانی اولسون آدیوه قربان
(یا علی اکبر ٬ اکبر ٬ یا علی اکبر)
- سه شنبه
- 3
- اردیبهشت
- 1398
- ساعت
- 12:16
- نوشته شده توسط
- ابوالفضل عابدی پور
- شاعر:
-
حاج رضا محمدی ولایی
ارسال دیدگاه