گلدی شعبان آیی نین اون بیری چاتدی
باشدان اهل دو سرا غصه نی آتدی
بیر اوغول ویردی حسینه کریم آلله
پرچم دینی سماواته اوجاتدی
گلدی مظهر شجاعت
دینی ائلسون حمایت
گل تک خلق اولوبدی گویچک
اولسون مقدمی مبارک (2)
گل یوزی بو آقانون بسکه گوزلدی
عالم حسنیده بی مثل و مثلدی
یوسفون آدی چیخوبدی بو جهاندا
اکبرین چهره سی اوناندا گوزلدی
واردی روی دلرباسی
جانلار آدی نین فداسی
گل تک خلق اولوبدی گویچک
اولسون مقدمی مبارک (2)
عالمی روشن ائدوب نور جمالی
یوسفی حیران ائدوب یوزده کی خالی
قامتی سرو سهی گوزلری شهلا
شوه دی تللری قاشلاری هلالی
گلدی اسوه شهامت
شاه کشور ملاحت
گل تک خلق اولوبدی گویچک
اولسون مقدمی مبارک (2)
- چهارشنبه
- 4
- اردیبهشت
- 1398
- ساعت
- 10:23
- نوشته شده توسط
- ابوالفضل عابدی پور
- شاعر:
-
حاج روح الله رمضانی
ارسال دیدگاه