الهی کیمدی بو نوزاد؟ چو ماهِ انوَردی
باخان جمالینه سویلَر ٬ خودِ پیمبردی
تمام حور و ملائک ٬ گلوب حسین ائوینه
شب ولادت ِ آقا ٬ علیِّ اکبردی
نه سرّی واردور الهی علی آدیندا مگر؟
که انس و جِنّ و ملائک بو آدی ازبردی
اونی قوجاقه آلوب٬ ایگلیَن اولور مدهوش
دوتوبدی عطری سمانی٬ زِبَس معطّردی
لب اوسته هاشمی خالی٬ جمالی چون مهتاب
ایکی ایری گوزی چشمِ غزاله بنزردی
مدینه اهلی تماماً اونی چوخ ایستردی
چون اهل یثربه اکبر٬ صفالی دلبردی
هامی گوزللّری یغسون٬ اونا تای اولمازلار
بوتون گوزللّره اکبر٬ امیر و سَروَردی
بو عشقی (فیضی) آماندی٬ همیشه حفظ ایله
که عشقِ زادهٔ لیلا ٬ دَیَرلی گوهردی
- چهارشنبه
- 4
- اردیبهشت
- 1398
- ساعت
- 10:30
- نوشته شده توسط
- ابوالفضل عابدی پور
ارسال دیدگاه