حسینه بیر اوغول ائتدی عطا خلّاق بی همتا
که اولدی گل جمالیندان مدینه جنت اعلا
صفالی بیر گول آچدی باغ عشق و معنویتده
که سالدی گول لری عالمده رونقدن طراوتده
نه گول بیر گول که یوخ مثل و نظیری باغ جنتده
ائله بیر گول که عطریندن اولوب سرمست ایکی دنیا
بیله بیر مه لقا بیرده گله حاشا بو دنیایه
گوزلّیق پایه سینده یوسف اولماز بونلا هم پایه
وجاهتده جمالی بنزیری اوز جدّی طاهایه
که خالق خلق ائدوب گول صورتین آئینۀ طاها
خطادور قامتون گر نخله طوبلیه بنزتسم
جمال بی مثالون یا گونیله آیه بنزتسم
و یا حسن کمالون یوسف زیبایه بنزتسم
هانی یوسفده بو حُسن دل انگیزو جهان آرا
وجاهتده ائدوب شرمنده خورشیدی بو مهپاره
سهیله گوئیا منزل اولوبدور برج گهواره
غرض گهواره سی اولموش صدف بیر در شهواره
ائله بیر دُرّون اولماز قیمتی دنیا و مافیها
گوروب آل علی شاد اولدی بو مولود مسعودی
حسینه رحمتوندن حق عطا ائتدی بو مولودی
مُسلَّم گلدی لیلانون اله منظور و مقصودی
دیوبلر مقدمی اولسون مبارک ای شه والا
آلوبلار بیر به بیر آغوشه بو مولود زیبانی
ئوپوبلر ایگلییب لر اول گل باغ تولانی
دئیوبلر گور نه حق مشمول ائدوب الطافه لیلانی
سزادور مریمه فخر ایلسون بو باره ده لیلا
آدی یثرب دیارینده علیِّ آکبر آدلاندی
شباهتده پیمبر منزلتده حیدر آدلاندی
ولی بیر سرّ وار عالم آرا بو سرور آدلاندی
همان اول سرّه واله دور جهاندا پیریله برنا
دولاندی دور دوران تا که دور ابتلا گلدی
وئره اهل تولا امتحان یوم بلا گلدی
او قدری گیچمدی هنگام جنگ کربلا گلدی
جانین جانانه بذل ائتدی وفادن روز عاشورا
آلوب سرمشقینی اصغر بلا دشتینده اکبردن
بو امّیده که برخوردار اولا دیدار دلبردن
اوزون گهواره دن آتدی یره بو سود امر بیردن
که یعنی عهدیمی قیلام بو گون اکبر کیمی ایفا
بو شعره اوچ نفر اولدی خلوص و صدقیله بانی
سمند طبع «شبخیزه» آچیلدی نظم میدانی
علی اکبر اوزون لطف ائت بو اشخاصه آنان جانی
برات کربلانی ایلسون زهرا آنان امضا
- چهارشنبه
- 4
- اردیبهشت
- 1398
- ساعت
- 10:52
- نوشته شده توسط
- ابوالفضل عابدی پور
ارسال دیدگاه