نار فراقه یانموشام آه و نوایه گلموشم
رحم ائله نازلی سویگلوم گورنه نوایه گلموشم
من دئمورم که لایقم عاشق بیقراریوم
بیر باخشین گورر منی بیله هوایه گلموشم
یوخدی فراقه طاقتیم دار و نداریم هارداسان
گورماقا گول جمالیوی دیلده دعایه گلموشم
وصلیوه لایق اولماسام لطف ائله بیر گوز آلتی باخ
قلبیده مین امیدیله مُلک ولایه گلموشم
آند اولا لبده خالیوه گوزلریم آختارور سنی
گوزلریوه فدا اولوم باب نجایه گلموشم
یوخدی لیاقتیم اگر هاشمی خالیوی ئؤپَم
ویرماقا بوسه دم بدم زیر او پایه گلموشم
من دوزَرم فراقیوه ناز ائله نازلی عیبی یوخ
آیریلیقین صفاسی وار٬ منده صفایه گلموشم
گرچه " فقیرم " عاشقم بوش یولا سالماسان منی
چون تانیرام نگاریمی هانسی سرایه گلموشم
- چهارشنبه
- 4
- اردیبهشت
- 1398
- ساعت
- 11:20
- نوشته شده توسط
- ابوالفضل عابدی پور
- شاعر:
-
مجید قلعه بیگی
ارسال دیدگاه