تِز گل بیرعمریدور آقا چشم انتظارووَم
یوخدور دوزوم بو آیریلیقا بیقرارووَم
یاتماز سنون غمونده گوزوم صبحه‌جک آقا
تا گون چیخینجا هرگجه شب زنده‌دارووَم
قورتار بو انتظاری که هجرانه یوخ دوزوم
چون عاشق حزین و دل افگار و زارووَم
جانیم فدا گلن یولووا، یابن فاطمه
گل قوی قَدم بو گوزلریمه جان نثارووَم
بیلمم یولون هایاندی سَپَم گول ولی ئوزوم
خاک رَهِ محلّ عبور و گذارووَم
هر گون چتیندی آیریلیقون یوخ سوزوم ولی
هر جمعه گون باتان چاقی چوخ اشکبارووَم
باخسون گوزآلتی عالَمَه یکسر صفا تاپار
شهلا گوزیله باخ منه مولا خمارووَم
گَلسون چیچکلنر سارالان باغ و گلستان
بیر غنچا مثلی تشنه‌یِ ابرِ بهارووَم
چون تاپشیروب نبـی بیزه قرآن و عترتی
هم عامِلِ کتابم و هم غمگسارووَم
(فیضی) قویوبدی یوز قاپووا فیضیاب اولوب
ارباب ذوالکَرم سن آقا ریزه‌خوارووَم
روحیم، آتام، آنام اولا قربان جلالووه
فخریم بودور که نوکر ایل و تبارووَم
- چهارشنبه
- 4
- اردیبهشت
- 1398
- ساعت
- 11:30
- نوشته شده توسط
- ابوالفضل عابدی پور
ارسال دیدگاه