جهاندا باشیوی چوخ سالما شور و غوغایه
آز عمریله ایلمه اعتنا بو دنیایه
حسین عزاسینه گل ایله بی ریا خدمت
که بلکه اخذ ایده سن روز حشره سرمایه
عقیده میز بونادی فاطمه عزایه گلر
باخار حسینین عزاسینده پیر و برنایه
اگر عقیدۀ پاکیله گوز یاشین آخسا
سلار جزا گونی لطفیله باشیوه سایه
اماندی آچما بو خلقه جهاندا حاجت الین
دئ آه و زاریله دردین همیشه زهرایه
قسم جلالتینه قورتولان دگول کرمی
لیاقتین وار اگر سال اوزون بو دریایه
سوزین مقدمه سین قورتاروم اول آماده
خلوص نیتیله آغلا شاه بطحایه
گئچوبدی بیر نچه ایل وقعۀ شهادتدن
آچیلدی فرش عدالت بسیط غبرایه
او وقت اولوب که خروج ایتدی کوفه ده مختار
محیط کوفه نی تنگ ایتدی قوم اعدایه
دوتوب هلاک ایلدی شمر شومی خولینی
سپوپ سو خاطر پر سوز آل طاهایه
روایت ایلوری راوی که ملک یثربده
بو ماجرانی یتوردوم امام والایه
دیدیم امامه نجه انتقام آلور مختار
هامی وقایعی عرض ایلدیم او مولایه
بویوردی حرمله دن ویر خبر گوروم آیا
یتوبدی دست مکافات او شوم ادنایه
جواب عرض ایلدیم سیدی یوخومدی خبر
امام ساجدین آخدی سرشکی سیمایه
بویوردی حق اونی دنیاده اودّا یاندورسون
سالوب بیز آل رسولی ملال عظمایه
آلوب اجازه قیتدیم دوباره کوفیه من
که اوردا ناظر اولام سرگذشت دنیایه
گیدوب اوتورموشودوم مجلسینده مختارین
اوجالدی هلهله ناگه سپهر مینایه
نگوردوم اوندا جماعت دوتوبدی حرمله نی
هجومیله گتورولّه او بزم والایه
او بیحیای ستمگر او ظالم خونخوار
گیرنده مجلسه دوردی هامی تماشایه
هامی دیردی بودور قاتل علی اصغر
ترحم ائتمیوب اصلا او طفل زیبایه
گورن زماندا بو احوالی امر ایدوب مختار
چهار میخه چکون اود وورون بو ترسایه
اودون گتوردوله یاندوردولا او ملعونی
وجود نحسی کول اولدی گیدوبدی یغمایه
اثر باغشلادی نفرین حضرت سجاد
دعای شکر ائلدیم ذات حی اعلایه
گئنه عزاسی قوتولماز او انتقامیله
آناسی اولمیوب اولماز رضا او سودایه
دیر بالام نه گناه ایلموشدی دنیاده
بویاندی قانه سوسوز دوشدی باشی غوغایه
دایاندی خامه « #علومی» اماندی سنده دایان
آدینی بانی مضمونین ایله پیرایه
آدی «غلامرضا» دی خشکبار دور مشهور
صفاده یوخدور اونا شهریمیزده هم پایه
ـــــــــــــــــــــــــــــ
(1) 14 #ماه_رمضان سال ۶۷ هجری قمری، مختار بن ابی عبیده ثقفی رَحمَةُ الله علیه از شيعيان بزرگ و از قيام‌كنندگان پس از شهادت امام‌حسين (ع) به شهادت رسيد.
بحار الأنوار : ج 45، ص 386
- شنبه
- 1
- تیر
- 1398
- ساعت
- 15:25
- نوشته شده توسط
- ابوالفضل عابدی پور
- شاعر:
-
محمد حسین کتابچی
ارسال دیدگاه