• پنج شنبه 9 فروردین 03


شعر ترکی وفات حضرت خدیجه سلام الله علیها گریز به قتلگاه -(رحلت ائدوب فاطمه نین آناسی آناسی)

658
1

رحلت ائدوب فاطمه نین آناسی آناسی
گئتدی رسالت ائوینون صفاسی صفاسی


جده وون هجرینده آنان آغلادی آغلادی
گوز یاشینی گول یوزونه باغلادی باغلادی
یاور اسلامه عزا ساخلادی ساخلادی
شیر خدا فاطمه هم آتاسی آتاسی


آرتدی بو گوندن آناوین غملری غملری
دلده آنا یاشلی قالوب گوزلری گوزلری
وای آنا وای دلده اولوی سوزلری سوزلری
اوج ایلیوب وای انا وای صداسی صداسی


آغلیوب اوخشاردی حزین وای آنا وای آنا
یاور اسلام مبین وای آنا وای آنا
گولمز اوزوم اولدی یقین وای آنا وای آنا
وار بیلورم چوخ باشیمون بلاسی بلاسی


بوردا دیوب وای آنا جان آغلادی آغلادی
گوز یاشینی ائتدی روان آغلادی آغلادی
کرب و بلاده نئجه قان آغلادی آغلادی
گورجک حسین جسمینی وار یاراسی یاراسی


سسلدی دور گلدیم اوغول یاتماسن یاتماسن
گوز یاشیمی خون دله قاتماسن قاتماسن
گوزدن اوغولسوز اناوی آتماسن آتماسن
گوگلون آنانون آلار ئوز بالاسی بالاسی


یرده قالوب پیکرون ای وای اوغول وای اوغول
یوخ بدنونده سرون ایوای اوغول وای اوغول
بس هانی بو اللرون ای وای اوغول وای اوغول
اولسون آنان اللریوون فداسی فداسی


هاردا قالوب صاحب هنر قارداشون قارداشون
نیزه قلیج یاره سی اوخ یولداشون یولداشون
یوخسا گئدوب خولیه مهمان باشون وای باشون
گوز یاشیدی یاره سینون دواسی دواسی


کوفه ده گللم سنه من آغلارام آغلارام
باشیوه باخدوقجا سینه داغلارام داغلارام
مطبخ خولیده عزا ساخلارام ساخلارام
بو آناوون وار نئچه هم صداسی صداسی


«احمدیان» ائله نوا آغلاسن آغلاسن
نوحه یازوب صبح و مسا آغلاسن آغلاسن
فاطمه تک سسله آنا آغلاسن آغلاسن
دردیوه درمان ائدر ئوز آتاسی آتاسی


  • یکشنبه
  • 2
  • تیر
  • 1398
  • ساعت
  • 10:59
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 375.82 KB
تعداد بازپخش 31
تاریخ بارگذاری یکشنبه 2 تیر 1398 02:01
عنوان : به این سبک اجرا شود

ارسال دیدگاه



ورود با حساب گوگل

ورود کاربران