ای آب حیات و شه اقلیم شرافت
ای نور رخی دهری دوتان مهر فضیلت
ای آیت حق مظهر ذات احدیّت
ای قامتی طوبادن اوجا ، حُسنی قیامت
رحمت سنه ای نور خدا سایۀ رحمت
ای آل عبانون گوزلی جان سنه قربان
فرزند برومند علی جان سنه قربان
ای ملک ولایت ده ولی ، جان سنه قربان
ای ذات حقین قدرت الی جان سنه قربان
احسن سنه ای اسوه و تندیس صلابت
طاووس جنان تاج سر و سرور عالم
درّ ادب و کنز سخا ، میر و معظّم
سلطان سلاطین جهان ، والی خاتم
جام لب نین تشنه سی مین کوثر و زمزم
به به نه حلاوت ، نه ملاحت ، نه زعامت
سرسلسلۀ اهل کرم ، ساقی عرفان
مصباح هدا ، کان عطا ، سرور خوبان
مخمور می حسن و کمالاتی قریبان
حور و ملکین تاج سری ، اشرف انسان
اندامنه حق دن بچلیب رخت سیادت
پیغمبره بنذر هامی ارزنده صفاتی
گفتاری ، جمالی ، حرکات و سکناتی
طاهایه چکیب منطق و خُلق و وجناتی
تکمیل ائلیب حُسن و کمالین حَسناتی
به به بو نجه شان و جلالت بو نه رفعت
چرخ شرفین قُدوَه سی ، پیرایۀ رحمت
محبوب حق لم یزلی ، مایۀ رحمت
حق سایه سنه سایه لنن سایۀ رحمت
قنداقنه لایلای دئینی دایۀ رحمت
صرّاف سخن ، باب رجا ، کوه متانت
گنج شرفین گوهر دردانه سی مهدی
سلک عرفین رهبر فرزانه سی مهدی
مستان حقین ساقی میخانه سی مهدی
جلوات جهان ناهی و بیگانه سی مهدی
مصباح هدا ، فلک نجا ، ناجی امّت
تقوی و عبادات و عطوفت ده سر آمد
ابنای بشر دادرسی ، مفخر ابجد
سیمای نجابت ، گل یوزو تالی احمد
صولت ده علی صولت و سیرت ده محمد
زهد و ورعی ایلین هر حالدا رعایت
قوسین دو ابروسی اولان قبلهء عرفان
لعل لب نین غابطی مین لعل بدخشان
تحسین ائلین حسنونو مین یوسف کنعان
مه صورت نین جلوه سنه مه قالان حیران
به به نه صدارت ، نه لطافت ، نه ملاحت
جام لب نه تشنه دی مین چشمهء حیوان
اجلالنه حسرت ده قالار گورسه سلیمان
موسی ید بیضائله قالمش بونا حیران
عیسانی تحیّرده قویوب بو مه تابان
حاشا گوره عالم بئله قامت ، بئله طلعت
پیغمبری کیم ایسته سه باخسن بو جماله
بو صورت زیبایه ، بو حسن و خط و خاله
وجه الّهه ، عین الّهه ، ابروی هلاله
حسنون یئتریب سیرت زیباسی کماله
دیدار و تماشاسی ویرر قلبه مسرّت
بو مهر دل آرایه اولار بنده ملائک
ارزنده دی ، اولماز بئله ارزنده ملائک
پیچ و خم زلفون ده دوشوب بنده ملائک
بو سروره خادم لقا زیبنده ملائک
وار کیمده بو شان و بو جلال و بو مهابت
بیر کیمسه کی پیغمبر اولا مدح سراسی
دهری بورویه طنطنۀ مهر و وفاسی
سرتاسر دنیانی دوتا صلح و صفاسی
بیر کس کی رضای حق اولا سلم و رضاسی
پیرو لوقو حرّیت و افلاح و سعادت
عرش اهلی تمنّاده دی سیماسنی گورسون
بی پرده و حایل رخ زیباسنی گورسون
زهراده سوردی قد بالاسنی گورسون
بند دل نین روی دل آراسنی گورسون
بس گورمه لی دی بو مه اسپهر وجاهت
حسنو ائلیب دهرده لیلا لری مجنون
گون تک باشنا چرخ ورور عشقله گردون
کیم غفلت ائده بوندان ، اولار دهرده مغبون
هر لحظه و هر دم اولوری شهرتی افزون
مستور ائلیب حیف یوزونی پردهء غیبت
اسطورۀ تقوادی عدالت بونا خوشدور
تخت ادب و علم و صداقت بونا خوشدور
گوزلور قدمین دین و شریعت بونا خوشدور
یوللار کج اولوب گلسه ، طریقت بونا خوشدور
احیا اولار اندازه و مکیال و عدالت
کعبه دولانار باشنه گر گلسه طوافه
بو کعبهء رحمت دی مَطاف حاجی صافه
حلّ و حرم و مروه صفا ، بونسوز اضافه
احسن بئله بیر کعبیه ، احسن بو مَطافه
وار کیمده بئله رفعت والا و لیاقت
حسرت ده قالیب عرش معلّا بونو گوزلور
خضر آب حیات ایچسه ده گویا بونو گوزلور
موسی و عصا و ید بیضا بونو گوزلور
دوردمجی فلک ده دوروب عیسا بونو گوزلور
دنیا بونو سسلور کی گلیب ائتسین اجابت
دریای کرم ، داغدان آغیر قدر و وقاری
بیر گوهر اعلادی کی کامل دی عیاری
پاکیزه دی امّ و اب و اجداد کباری
یوخ دور خللی ، دامنی هر عیب دن عاری
بیر آب مطهّردی وئرر دهره طهارت
تقدیسنه ، تکبیرنه حور و ملک عاشق
تسبیحنه ، تهلیل نه چرخ فلک عاشق
تک خالقی حاضر گورن هر حالدا تک عاشق
یرده بشر عاشق بونا گوی ده برک عاشق (1)
هاردان اولاجاق سان بونا سن عاشق #هدایت
ـــ
(1)برک: ستاره سهیل
- یکشنبه
- 2
- تیر
- 1398
- ساعت
- 11:5
- نوشته شده توسط
- ابوالفضل عابدی پور
- شاعر:
-
محمد هدایتی
ارسال دیدگاه