سس گلوبدور اهل عشقه دلبر جانانه گلدی
یتشوب ایام مستی ساقی میخانه گلدی
گلوب مولا حسن جان دوشوب سس گویلره
جانیم قربان بئله صفالی دلبره
( حسن جانم حسن
حسن جانم حسن ) ( 3 )
جنتین عطری یایلدی حیدرین گلخانه سیندن
آلدی پای زهرای اطهر اوغلونی جانانه سیندن
جمالی گول کیمین دوداقلاری عسل
یاراتدی دست حق گوزللردن گوزل
( حسن جانم حسن
حسن جانم حسن ) ( 3 )
گوزلرین گوردی ملک لر یکسره بیمار اولوبلار
دل وئرنلر بو نگاره ئوزلری دلدار اولوبلار
شراب عشقینی حلال ائتدی خدا
ایچنلر سویلیور سنه جانیم فدا
( حسن جانم حسن
حسن جانم حسن ) ( 3 )
آناسی لایلای دئینده سویلیر یات فرصتون وار
دولانار دوران گوررسن اوندا آیری حالتون وار
گلر بیر گون سنی سرین سو اینجیدر
دوداقلار قان اولار دوا وئرمز اثر
( حسن جانم حسن
حسن جانم حسن ) ( 3 )
- یکشنبه
- 2
- تیر
- 1398
- ساعت
- 11:5
- نوشته شده توسط
- ابوالفضل عابدی پور
- شاعر:
-
حاج داود بیدق داری
ارسال دیدگاه