نیمه ماه خدا غنچه گول آچدی
بیر گول احبابیلرون قلبینه ساچدی
عطری مدهوش ایلیور گلشنی یکسر
گلستاندا تایی یوخ گللره باشدی
دولوبدی شوریله سرای فاطمه
خدا ویروب حسن برای فاطمه
آقام آقام حسن امام مجتبی (۳)
سید و طیب و مصلح دی بو مولا
حجت و زاهد و صالح دی بو مولا
واردی مین بیله ده القاب شریفی
سبط اول یل فاتح دی بو مولا
بو گون جهانه نور ذوالمنن گلوب
خرام و شاد اولون آقام حسن گلوب
آقام آقام حسن امام مجتبی (۳)
ابن صباغ یازوب بو کلماتی
آقامون وصف و کمال و حسناتی
گوز ایری سرخ نما چهره گشاده
شبه طاهادی هامی کل صفاتی
تقی ولی حسن امام مجتبی
جمال انوری مثال انبیاء
آقام آقام حسن امام مجتبی (۳)
بسدی شانونده گلوب آیه تطهیر
بو مقام و بیله اوصافینه تکبیر
هم کریم اوغلی دی هم میر کرمدی
جود و احسانه آدی معنی و تفسیر
نه دردون اولسا دردیوه دوا ایلر
نه ایسته سن آقام حسن عطا ایلر
آقام آقام حسن امام مجتبی (۳)
حیف اولا غملر ایدوب قلبینی مغموم
قدر و هم منزلتون ایتدیله مکتوم
اوف اولا چرخ جفاکاره اللهی
عورتی ایلدی آخر اونی مسموم
او زهره کین جگرلرینی دوغرادی
دیلی یانوبدی آهین عرشه قوزادی
آقام آقام حسن امام مجتبی (۳)
صحن سیز قبری اولور گوزده نمایان
گون قباقینده قالان قبرینه قربان
یا امام حسن ای قائم امامیم
سسلیرم آدوی با دیده گریان
صد حیف اولا دیلیم وصاله یتمدی
نوالیم الیم بقیعه چاتمادی
آقام آقام حسن امام مجتبی (۳)
- یکشنبه
- 2
- تیر
- 1398
- ساعت
- 11:44
- نوشته شده توسط
- ابوالفضل عابدی پور
- شاعر:
-
حاج علی زلفی تبریزی
ارسال دیدگاه