ای یارادان عالمی یکسر عدمدن خدا
روزی وئرن خلقته لطف و کرمدن خدا
مینلر آنا یا آتا مهروه حاشا چاتا
عفو ائله بو زاری تا قورتارا غمدن خدا
رو سیه بنده وی عفو ائله
عبد شرمنده وی عفو ائله
نفس جفاجو منی الده اسیر ایلیوب
سندن اوزاقلاشدیروب گؤر نه حقیر ایلیوب
اشکیم اؤزه باغلارام آهیله دل داغلارام
اؤز حالیما آغلارام غم منی پیر ایلیوب
ابر تک اشکبارم خدا
بنده ی شرمسارم خدا
هر گجه تا صبحه جاق وار یئری ائتسم نوا
ایلمیشم چون خدا عمرومی باشدان باشا
اشکیم اولاندا روان سسلرم ای مهربان
قیل گئنه مهرون عیان لطفوه یوخ انتها
چوخدی جرم و گناهیم منیم
یوخدی اؤزگه پناهیم منیم
روز قیامتده کی شعله جهنّم چکر
کیمدی منیم یاوریم اولماسا لطفون اگر؟
شعله اولاندا شدید سسلنر هَل مِن مَزید
اوندا اؤزونسن امید وای منه، أین المَفَر
قلبیمی دولدورار شور و شین
بیر فقط سسلرم یاحسین
- دوشنبه
- 3
- تیر
- 1398
- ساعت
- 14:3
- نوشته شده توسط
- ابوالفضل عابدی پور
- شاعر:
-
علیرضا حضرتی (ناعمی)
یوسف سبکتکین
سلام کاش سبکشا میگفتیدچون پخش نشد
پنج شنبه 8 خرداد 1399ساعت : 17:34