افطاره نولور، می من میخواره گلیدی
ساقی می الینده بیزه افطاره گلیدی
آی گویده بولود دالداسنا دالدالانیدی
پرده آتیب ئوزدن بیزه مهپاره گلیدی
یوخ چاره سی درمانی ، اونون وصلی دی دردیم
او گلماقلان دردیمه ده چاره کلیدی
یوخ دردیم علاجی گئنه می مشکل آچاندی
میخانه ده تسکین دل بیماره گلیدی
عکسین گورورم می ده گئنه نازلی نگارین
می دن هیجان بو تن تب داره گلیدی
یاره منی حسرت قویانی حسرته قالسین
الله گونو اهل حسدین قاره گلیدی
یار آیرلقندان ئورگیمده یانار اود وار
بیر خوش خبر اوندان من دل زاره گلیدی
لطف و کرمیله صله ایلوب بارشیدی
وصلتدن آچیب سوز ، سر گفتاره گلیدی
عشقین گل آچیدی آغاجی میوه ویریدی
بو یانمش ئورک پؤهره ویریب باره گلیدی
الده کلف جان گوزی یوللاردا (هدایت)
گوزلور گوزلی تا سر بازاره گلیدی
- سه شنبه
- 4
- تیر
- 1398
- ساعت
- 11:10
- نوشته شده توسط
- ابوالفضل عابدی پور
- شاعر:
-
محمد هدایتی
ارسال دیدگاه