الهی اوچ گجه عطشان قالانلار حرمتینه
علیِ اصغره لایلای چالانلار حرمتینه
سحر ستاره سی اوچ گون سوسوز قالان بالیا
دیل آچمیان صود امر ال ایاق چالان بالیا
او صود امر بالانون غنچه تک سولان یوزینه
بالا گئدوب آنانون منتظر قالان گوزینه
ربابیدن بالانون آیریلان زمانینه
بالا دالیجا باخوب آغلیان زمانینه
ترحّم ایله گیلن اول چتین زماندا بیزه
الهی گوز آخنوب جان گلنده سینه میزه
جسد دی آیری دوشوب تئز یتور او روحی بیزه
مسلّط ایلمه رحم ائتمین گروهی بیزه
حسینیوون داغیلان سینه سینه یا الله
سکینه نون بابا وای ناله سینه یا الله
نقدری دشمن دین وار نقدری خائن وار
حسینون حرمتینه قیلگیلان بلایه دچار
جفا اوتیلا یانان حجله گاهه یا الله
تفاقی برهم اولان پادشاهه یا الله
الهی رحمیوی بیزدن غضبله دؤندرمه
بیزی باغشلامامیش قبر ائوینه گوندرمه
او اوتلاری که گول آلتدا یاتوبدی پنهانی
اولاردان حفظ ائله ایرانیان و ایرانی
نولا دونوب باخاسان «منعمه» ئولنده حسینجان
سویوق تری اجلون آلنیما گلنده حسینجان
- سه شنبه
- 4
- تیر
- 1398
- ساعت
- 11:36
- نوشته شده توسط
- ابوالفضل عابدی پور
- شاعر:
-
مرحوم منعم اردبیلی
ارسال دیدگاه