الهی کرب و بلاده یاتانلار حرمتینه
حسین قانینه قانین قاتانلار حرمتینه
کنار نهریده قولسوز دوشن علمداره
مرام و مقصد حقه چاتانلار حرمتینه
وطندن آیری دوشن ایل قبیله دن آرالی
تمام اهلینی گوزدن آتانلار حرمتینه
باغشلا بیزلری آل علی محبتینه
عزیز فاطمه نین چکدیگی مصیبتینه
جگرلری توکولن طشته مجتبایه باغشلا
سوسوز باشی کسیلن شاه کربلایه باغشلا
یارالی سینه سینه خشک اولان دوداقلارینا
اوقان دولان گوزونه ذبح اولان قفا یه باغشلا
الی باشیندا گلیب قانلی مقتلی دولانان
اورگی قانه دونن بنت مرتضایه باغشلا
او خوردا نعشی قالان گونلرین قباقینده
حسن نشانه سینه ابن مجتبایه باغشلا
بوغازی تیر جفائیله اوخلانان بالایا
قماطی قانلی سوسوز خورداجا فدایه باغشلا
رضا قضایه ویریب طوسیده اولان مدفون
شهید زهر جفا حضرت رضایه باغشلا
اوزی قرادی «عرب زاده» نین خداوندا
شفیع روز جزا ختم انبیایه باغشلا
- سه شنبه
- 4
- تیر
- 1398
- ساعت
- 11:37
- نوشته شده توسط
- ابوالفضل عابدی پور
- شاعر:
-
سید فیاض عرب زاده زنجانی
ارسال دیدگاه