کونلوم اولوبدی درد و غمه مبتلا رضا
سن سن آقا ئورک غمینه آشنا رضا
.
احسن بیله ملاحته بو قد و قامته
طاها باخیشلی گوزلره صد مرحبا رضا
.
باخدی طبیب عشق بو مجروح سینه مه
اول قاره خالوی منه یازدی دوا رضا
.
بیمار عشقوم منه ده بیر علاج ایله
ای درگه کرامتی دارالشفا رضا
.
درهم آلورسان اوز قویا هر کیم حریموه
سائلدی بارگاهوه شاه و گدا رضا
.
قصر بهشتی حورینی جناتی نیلورم
ای مرقدی بهشتدن اولان با صفا رضا
.
گلسم مزاریوه منه بیر کربلاده یاز
گاهی حسین حسین دیرم گه رضا رضا
.
محشر گونونده ال منیم اولسون اتک سنون
سن بیل قتیل تشنۀ کرب و بلا رضا
.
#بابک پناهوه سیخیلار روز حشریده
هر نه سوروشسالاردیرم منده یا رضا
- دوشنبه
- 24
- تیر
- 1398
- ساعت
- 11:45
- نوشته شده توسط
- ابوالفضل عابدی پور
- شاعر:
-
حاج افشین بابک اردبیلی
ارسال دیدگاه