آچدی بیرگُل آد رضا اولسون امام هشتمین
آد قویان نام رضانی خالق جان آفرین
.
قویدی دنیایه قدم گتدی بهاری گلشنی
شهرطوس اولموش وجودیندن بوگون خلد برین
.
پیرو برنا مقدمیندن شاد وخرّمدور بوگون
باعث اولموش گلستاندا بلبل وگل هم قرین
.
ساقیا بیر باده بسدی حُبّ عشقیندن شراب
مست مست ایت آستانینده یره سورتوم جبین
.
آستانی ملّت ایرانه سنگردی حصار
بارگاهی شیعیانه بیرگوزل حصن حصین
.
والی ملک ولایت شاه شاهاندور رضا
پادشاهان جهان دورخرمنینده خوشه چین
.
بو شهنشاه خراساندی پناه بی کسان
منبع جود وکرمدی مفخر ایران زمین
.
شیعه لرعاشقدی از بس قبرینون دیدارینه
چون امام العارفیندی دعوت ایلر زائرین
.
فیض آلارخُرد وکبار باب الحوائیج اوغلودی
دردینی اظهار ایدن لطفون گورر عین القین
.
اگنینه گیموش لباس فخر بیر عدّه شخیص
فخر ایده للراول لباسه درگهینده خادمین
.
عیدیانه گر ویره موسی بن جعفر بیر برات
وجده گللوخ کربلاده اولماروخ زارو حزین
.
شیعه لرحسرت ده دی گرچه حسینون قبرینه
فرقی یوخ دورکربلا دور مرقدی هر اربعین
.
بادۀ عشق رضادن میل ایدوبسن «عدلی» سن
لکنتون دیلدن گیدوب یازدون کلام دلنشین
.
غم یمه نادم اگر اولسان او بدکرداریوه
دستگیر مُجرمیندی بو شه دنیا و دین
.
- دوشنبه
- 24
- تیر
- 1398
- ساعت
- 11:49
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه