• دوشنبه ۱۵ اردیبهشت ۰۴


مدح حضرت امام رضا علیه السلام -(ای اولان مهر درخشان یا علی موسی الرضا )

۶۴۹

ای اولان مهر درخشان یا علی موسی الرضا 
آشنای دردمندان یاعلی موسی الرضا 
جود بیر قطره ولی مولا سن اقیانوس سن 
شهریار بی بدیل سرزمین طوس سن 
کیم ایده عرض ارادت سن اونا مأنوس سن 
بارگاهون رشگ رضوان یا علی موسی الرضا 
قرن لردی که حکومت ایلیورسن دللره 
التفاتون وار پناهنده اولان سائللره 
هر ایکی عالمده دوشموش نام پاکون دیللره 
مأمن دلدادگان سان یاعلی موسی الرضا 
مظهر جود و کرامت , معنی لطف اِلاه 
مالک سلم و رضا سن صاحب عزّیله جاه 
گورمیوب گورمز زمانه سن کیمی شوکتلی شاه 
قلب لر عشقونله شادان یاعلی موسی الرضا 
حشمتونده ، رشگیده دایم سلیمانلار قالوب 
حکمتونده مات و حیران جمله لقمانلار قالوب 
طلعتونده هرزماندا ماه کنعانلار قالوب 
منشأ الطاف رحمان یاعلی موسی الرضا 
هر نسیمی که بیزه سمت خراساندان گلور 
نکهت جانانیدور که عرش سبحاندان گلور 
گوئیا رشحات حقدور عطر عرفاندان گلور 
معنی ایمان و عرفان یاعلی موسی الرضا 
واردی اون دورد ایلدی مولا دلده بیر سرّ مگو 
حاجتیم ایله برآورده منه وئر آبرو 
گوز یاشیملا صحنیوه ویرّم من عالی شستشو 
سسلرم ای درده درمان یاعلی موسی الرضا 
سورۀ نوری ایدور تفسیر عالی مرقدون 
توتیای دیده لردی خاک پاک مشهدون 
بهجت افزادور اوزاقدان نور پاک گنبدون 
سسلنر عشقیله شایان یاعلی موسی الرضا 

  • دوشنبه
  • ۲۴
  • تیر
  • ۱۳۹۸
  • ساعت
  • ۱۲:۱۲
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران