ای نثار تار زلفون مین خراج مصر و شام
وار یئری یوز یوسف مصری سنه اولسون غلام
.
داشدا نیشابوریده ناز ایلدی لعله یقین
تا حدیث عشقیله اولدی دوداقون لعل فام
.
سن نه آهونی که صیّادی قوتاردون دامیدن
دام اونونکیدی سن آزاد ائتدون ای عشقه امام
.
جان کلافیله بو گون بازاریوه گلدیم سنون
یوسفیم یعقوبه باخ گر چه اولوبدور ازدحام
.
من کیمم سندن دئیم قرآن سنی تعریف ائدیر
هَل اَتی اعلان ائدوبدور جدّیوی کهف الانام
.
#شهریار ایستور سنی وصف ایلیه ای شهریار
#محتشم ایستور سنون مدحونله تاپسون احتشام
.
چوخ دئسم سندن بودور قورخوم، گوزل درگاهیوه
اشتباهیله چوخی ذکر ایلیه بیت الحرام
.
«سگّیزیمجی گوی» سنه آد قویدی #داور عشقیدن
یدّی گوی ، آلتی جهتدن چون سنه ایلر سلام
- دوشنبه
- 24
- تیر
- 1398
- ساعت
- 13:13
- نوشته شده توسط
- ابوالفضل عابدی پور
- شاعر:
-
حاج داود بیدق داری
ارسال دیدگاه