ای جلوۀ جمالی وئرن کایناته نور
شهر مدینه دن ائلین عالمه ظهور
.
سن سن تمام عالمه مولای مهربان
رونق تاپوب جهاندا وجودونله هرامور
.
الله سنه عطا ائلیوب خصلت زکی
چون ذره ای وجود شریفونده یوخ غرور
.
کیمدور چاتا سنون کیمی مولا بومنصبه
پروردگارینه اولا صبح ومساء شکور
.
درک ایلمز کمالوی افراد ناتوان
آواره هر زماندا قالار اولماسا شعور
.
انشاائدوم کی وصفووی ممکن دگل منه
عمریم نقدری وارائلسم ذکر اولار قصور
.
روشن ائدوبدی عالمی نور رُخون سنون
ذکرون فقط اولوبدی بودنیاده یاغفور
.
اولسا سیزون ولایتوزون کیمسه منکری
عاقل دگل یقین اولوب انصافیدن به دور
.
ای شهرطوسی جنت العلایه اوخشادان
سن سن بهشته اهل یقینی وئرن عبور
.
منده بو آستانه ده قیرخ ایل دولانمیشام
عشقیله محضروزده سیزون ثاپمیشام حضور
.
قربان اولوم مقامووه یا ثامن الحجج
اولدوم بوآستان شرافتده ذی شعور
- دوشنبه
- 24
- تیر
- 1398
- ساعت
- 13:19
- نوشته شده توسط
- ابوالفضل عابدی پور
- شاعر:
-
علی تیموری
ارسال دیدگاه