ایتدی نورانی بوگون دنیا یوزین سلطان طوس
برج عزّتدن طلوع ایلوبدی اول شمس الشمو س
.
نور حق ویردی قدومیله بو آی زینت یره
آیت الّهدن یتوشدی تازه بیر عزّت یره
اول وجود نازنینیله یتوب رفعت یره
ایله بیر مولودیله خوشحال اولوب کلّ نفوس
.
شاد اولوب یکسر قلوب شیعۀ اثنی عشر
قلبیدن مسرور اولوب فردوسیده خیرالبشر
آلدی قنداقین آتاسی حالینه قیلدی نظر
عالم اسراریدی ایلوبدی چوخ آه و فسوس
.
چشم حسرتله اونا ایلردی هرلحظه نگاه
غملنوردی دائم آه اوستن چکردی آه او شاه
ظاهراً مسروریدی اول پادشاه کم سپاه
باطناً آگاهیدی نیلر اونا قوم عبوس
.
یاخشی بیر خوش وقتیدی اول وقت اول غنچه گله
گل کیمی دائم آلوردی خویش و ایل الدن اله
بیربیر اوخشاردی آنا باجی او طفلی وجدیله
فکره سالمیشدی آتاسین لیک ساعات نحوس
.
#گریز #رضویه_شهادت
.
آه او ساعتدن اونی مهمون ایدوب احضار بزم
بزم نه بزم عالم باطنده بیر میدان نظم
یاس اوزیله دوردی اول سلطان طوس ایلوبدی رزم
تا او بزم نحسیده گیتدی امام ایتدی جلوس
.
بیمروت مکریله اولده ایلوب احترام
بیله بلدی فکرینی بلمور او ملعونین امام
زهردار انگور اله آلدی ایدوب ظلمه قیام
ایلدی تکلیف امامه بدتر از گبر و مجوس
.
ایلدی اصرار امامه زهر ویردی زوریله
ایتدی مسموم عصر امامین زهردار انگوریله
بزمیدن دوردی امام اما دل رنجوریله
منزلینده گلدی سکنی ایتدی اول تاج رؤس
.
حال ضعفیله دونردی صاق صولا اول شهریار
لحظه ای راحت اولانمازدی واریدی انتظار
باشی اوسته گلدی اوز اوغلی او وقتده اشکبار
یوز گوزین بوسه ایدوب گاهی اولوبدی پای بوس
.
جان ویرنده طوسیده مسموم امام المتقین
گلدی اوز اوغلی اونا اولدی او ساعتده معین
آه آه امّا حسین بن علی سلطان دین
جان ویرنده دوره ده دشمن چالوردی طبل و کوس
.
قانه غلطیده یخلموشدی بلا میدانینه
چوخ یارا اشرار وورموشدی اونون بیر جانینه
اهل بیتیندن گلنمزدی اونون چون یانینه
خیمه ده آغلاردیلار کلثوم و زینب نو عروس
.
- دوشنبه
- 24
- تیر
- 1398
- ساعت
- 14:44
- نوشته شده توسط
- ابوالفضل عابدی پور
- شاعر:
-
مرحوم زائر تبریزی
ارسال دیدگاه