من شور عشقی بیر دم یاهودن آلمیشام
منشور عشقی ضامن آهودن آلمیشام
.
عشقیم رضا سیدی مشقیم رضا رضا
فکر ائتمه مشق عشقی هیاهودن آلمیشام
.
یوخ یوخ بو عشقی شاه خراسان وئروب منه
فتوای عشقی چون خم ابرودن آلمیشام
.
محراب عشقی سرّ صلات اورگدوب منه
عطربهشتی نکهت گیسودن آلمیشام
.
کهنه شراب خم غدیرین پیاله سین
هربیرباخیشدا نرگس گیسودن آلمیشام
.
خوش بیر خبر سحر چاقی وقت اذانیده
دان اولدوزوندا حکمت سوسودن آلمیشام
.
گوش خیال «جاهد» نازک خیالیمه
نجوای راز مطلبی شش سودن آلمیشام
.
بو خوش خبر رضای رضانین رضاسیدی
پیک نسیم جنت مینودن آلمیشام
.
دلداریمین رضایتی الله رضاسیدی
الله رضاسین عشق سمن بودن آلیشام
.
چون بیر باخیشدا کونلیمی یاره اوتوزمیشام
سر نهانی نغمه ی کوکودن آلمیشام
.
بحرانی بیر زمانیده دردیم دواسینی
صحن سراده محضر نیکودن آلمیشام
.
زوارینین ایاق توزونی سورتمیشم گوزه
مین دردیمین دواسین او دارودن آلمیشام
.
جاروکش حریمینه یالوارچی دوشمیشم
تا بش دقیقه رخصت او خوشخودن آلمیشام
.
تا اولموشام سوپورگچی صحن صفاسینه
داروی درد عشقیمی جارودن آلمیشام
.
عاشقلرین صفینده آقام یر وئروب منه
پارلاق مدال عشقی او مهرودن آلمیشام
.
یوخسا منیم یئریم هارا باب رضا هارا
من بو نشانی دلبر دلجودن آلمیشام
.
دلدارین عشقی شعریمی شورآفرین ائدوب
شور شعور شعری بو نیرودن آلمیشام
.
عشق رضانی من ایکی دنیایه وئرمرم
چون کی بو عشقی ضامن آهودن آلمیشام
.
- چهارشنبه
- 26
- تیر
- 1398
- ساعت
- 12:13
- نوشته شده توسط
- ابوالفضل عابدی پور
- شاعر:
-
حاج علی پور علی
ارسال دیدگاه