• جمعه 10 فروردین 03


شعر ترکی یا اباالحسن -(کیم سائل اولسا ساحتیوه یاابالحسن )

1424
4

کیم سائل اولسا ساحتیوه یاابالحسن 
والله چاتار شفاعتیوه یاابالحسن 
گر اغنیاء حجّی خدا معبدینده دی 
یوخسوللاریندا حجّی سنون مشهدینده دی 
سعی وصفا لری او گوزل مرقدینده دی 
جانلار فدادی جنتیوه یا ابالحسن 
چوخ مدعی سوزی گوزی فکری کذاده دی 
شیعه عقیده سینده ولی پراراده دی 
دارالشفاسی مرقد موسی الرضاده دی 
ایمانی واردی تربتیوه یاابالحسن 
هم کعبه ده گوزوم وارایا شاه ممتحن 
هم مشهدینده وار نظریم سرور زمن 
اما بیر آیری حسرته قلبیم یانور علن 
مشمول قیل عنایتیوه یا ابالحسن 
عشقین اگرچه حرمتی بیت خداده دی 
صحن الرضاسی دوزدی اونون فوق العاده دی 
اما تمام لذتی کرب و بلاده دی 
گوز تیکمیشم اجابتیوه یا ابالحسن 
باغ بهشته نازائدن ای صحن ومامنی 
چوخلاربیلورشفیع ئوزینه حشریده سنی 
نومید ائتمه سن بیل آنان فاطمه منی 
قوی مست اولوم شفاعتیوه یاابالحسن 
من کوهه وئرمرم سنون اول پرِّ کاهیوی 
خورشیدیلن عوض لَمرم روی ماهیوی 
من وئرمرم بهشته گوزل بارگاهیوی 
آند اولسون ئوز ولایتیوه یاابالحسن 
شه لر گدانی ئوزگیه پابوس ایله مز 
سن تک شه ین گداسی کی افسوس ایله مز 
زهرا بالاسی سائلی مایوس ایله مز 
گوز تیکمیشم کرامتیوه یا ابالحسن 
هجران اودوندا چیخدی بوقلبیم کوزاوستونه 
شانینده هرنه سوز وار؛اولوبدور سوزاوستونه 
من جان وئرنده گل قدمین قوی گوزاوستونه 
مشمول اولوم عطوفتیوه یاابالحسن 
هرآن اولوبدی کِلکِ«مُصَیّب»مسیری کج 
«سعدی زمان»سوزوندن آلوب شعرینه فرج 
ای نور چشم فاطمه وی ثامِنُ الحُجَج 
وئر تذکره زیارتیوه یاابالحسن 

  • چهارشنبه
  • 26
  • تیر
  • 1398
  • ساعت
  • 14:32
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران