ای افتخار کون و مکان یا اباالحسن
ای آبروی هر دو جهان یااباالحسن
.
.
قربان اولوم او مُلکِ مَلَک پاسبانیوه
بی شُبهه هر ملک پر آچار آسمانیوه
گر اولسا دعوتیم گلرم آستانیوه
یوخدور اورکده شوق جنان یا اباالحسن
.
.
قربان اولوم او رتبه و شأن و وقاریوه
گل ایسته یوز قویام آقا هرآن مزاریوه
چوخ دوزموشم بو یولدا سنون انتظاریوه
الدن گئدوبدی صبر و عنان یااباالحسن
.
.
ای خاک طوسی مرحمتی ایلین طلا
آی گون آلوبدی نورینی سندن تاپوب ضیا
اولسون غریب اولان جانیوا جانیمیز فدا
گلمیش بو سوز اورکدن اینان یااباالحسن
.
.
بیر عمر سسلدیم آدیوی سینه داغلادیم
هر ایل شهادتونده باشا قاره باغلادیم
کیم یاابالحسن دئدی سس چکدیم آغلادیم
بو غمده قدّیم اولدی کمان یااباالحسن
.
.
هربیر مریضین اولسا اگر دردی بی دوا
صدقیله یالواروب آقا سندن آلار شفا
گر چاره تاپماسا گئجه گوندوز دییر آقا
گوزدن دوشوب بو بنده گمان یااباالحسن
.
.
سلمانیه آقا نجه اولدی عنایتون
کیم گلدی طوسه شامل اولوبدور کرامتون
کسمه حسینی لردن اماندور شفاعتون
محشرده اولماسون نگران یا اباالحسن
.
.
هرکیمسه دردی اولسا دعایه آچار لبی
پروردگاره عرض ائدر اوّلده مطلبی
بیرده حسینی سسلر آقا بیرده زینبی
بیرده دییر اماندی امان یا اباالحسن
.
.
ای ملک طوسی اوخشادان عالمده جنّته
سنسن بو شیعه نی یتیرن شأن و عزّته
لطفیله بیر نظر ائله آقا بو امّته
ایسته گَله امام زمان یااباالحسن
.
.
مادحلر ایچره گر اولا مندن شمارشون
ایله نکیر و منکره آقا سفارشون
آرامشیله « صادقی» وئرسون گزارشون
حالیم اولار او دمده یامان یااباالحسن
.
.
- چهارشنبه
- 26
- تیر
- 1398
- ساعت
- 14:33
- نوشته شده توسط
- ابوالفضل عابدی پور
- شاعر:
-
محمدرضا صادقی
ارسال دیدگاه