مژده اولسون سیزه ای امت قرآن
نور حق ایتدی بو گون دهری چراغان
گوز آچوب عالمه زهرانون عزیزی
عالمه گلدی بو گون شاه خراسان
.
یاندی مشعل هدایت
گلدی شه با کرامت
.
.
.
.
اون بیریمجی گونی ذیقعده آیندا
گون اولوب منزل مولاده هویدا
آقا یا موسی کاظم گوزون آیدین
بیر اوغول وئردی سنه خالق یکتا
.
یاندی مشعل هدایت
گلدی شه با کرامت
.
.
.
.
بو گئجه نور خدا جلوه گر اولدی
گون ایوینده متولد قمر اولدی
گلدی دلداده لرین باب امیدی
قاپوسی ملجإ درمانده لر اولدی
.
گلدی ضامن غریبان
جاننار قدمینه قربان
.
.
.
.
آقامون مرقدی ایرانه صفادی
اوگوزل آدی هامی درده دوادی
عالمِ آل محمدی بو مولا
اونا قربان اولا جان آدی رضادی
.
جانلار کرمینه قربان
زیبا حرمینه قربان
.
.
.
.
حرمی روضهٔ رضوانه برابر
کرمی بحر خروشانه برابر
اونی زیبا یارادیب خالق یکتا
یوزی مین یوسف کنعانه برابر
.
زیبا صورتینه قربان
شاهلار شوکتینه قربان
.
- یکشنبه
- 30
- تیر
- 1398
- ساعت
- 12:25
- نوشته شده توسط
- ابوالفضل عابدی پور
- شاعر:
-
علی آقاپور
ارسال دیدگاه