• جمعه 10 فروردین 03


متن شعر ترکی میلادیه حضرت امام رضا علیه السلام -(دنیایه گلدی بطحاده یاران )

658

دنیایه گلدی بطحاده یاران 
ضامن آهو شاهِ خراسان 
شَمسُ الشُّموس اولدی دنیاده عنوانی 
سندیردی نوریلن ظلمات دنیانی 
الحق اوتاندیردی خورشید رخشانی 
رقص ایلدی خوشحال اولوب گویلرده اولدوزلار 
مثلین گوره الله دان ایستور بیرده اولدوزلار 
دنیایه گلدی بطحاده یاران 
ضامن آهو شاهِ خراسان 
آرام نسیم اسدی گلشنده گل لردن 
دوشمز آدی هرگز دنیاده دیل لردن 
گلدی گوروش ایتسون غیرتلی ائل لردن 
موسی بن جعفر آلدی آغوشه اولوب خوشحال 
اوپدی دوداقلارین دیدی جان جان او خوش احوال 
دنیایه گلدی بطحاده یاران 
ضامن آهو شاهِ خراسان 
دریای رحمتدن آچدی داشوب سیل لر 
سیراب اولوب باغ عرفانداکی گل لر 
گل لر بوداقندا مست اولدی بلبل لر 
آچدی گوزل مکتب جهاندا اهل ایمانه 
اولدی وجودی شمع و عاشقلرده پروانه 
دنیایه گلدی بطحاده یاران 
ضامن آهو شاهِ خراسان 
آچدی گوزل بیر گل طاها گلستانی 
چرخ چهارمده شاد ایتدی عیسانی 
بیهوش ایدوب عشقی سیناده موسانی 
گهواره سین گلدی ملک لردن طواف ایتدی 
آوازه سی هفت آسمانه و عرشه تک گتدی 
دنیایه گلدی بطحاده یاران 
ضامن آهو شاهِ خراسان 
فرزند کاظمدور دلبند صادقدور 
کیم اولسا مؤمن گر بوشاهه لایقدور 
امراض انسانه شافیدی حاذقدور 
الله بیلور قالدی نه احواله امام اوندا 
قویمور یره اوغلون دولاندیردی ائوی مولا 
دنیایه گلدی بطحاده یاران 
ضامن آهو شاهِ خراسان 
الله ایله قسمت ایله زیارتدن 
توشه آلاخ بلکه ثامن ولایتدن 
آلما بو توفیقی زنجاندا هیئتدن 
ایستوب بو اشعاری یازوب ذوقیلن «عینی فرد» 
بهرامی آدلی مادح اولموبدور یازان دلسرد 

  • دوشنبه
  • 31
  • تیر
  • 1398
  • ساعت
  • 11:20
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 190.82 KB
تعداد بازپخش 50
تاریخ بارگذاری دوشنبه 31 تیر 1398 02:35

ارسال دیدگاه



ورود با حساب گوگل

ورود کاربران