شه ملک ایران امام رضا
صفای خراسان امام رضا
.
سلیمان ائدن غبطه اجلالینه
سلیمان دوران امام رضا
.
سپهر شرافتده شمس الشموس
شریف بزرگان امام رضا
.
گُل هَل اتی صاحب معجزه
خداوند بُرهان امام رضا
.
ائدن روزو شب خالق داوره
سپاس فراوان امام رضا
.
اولان توتیا تربت اقدسی
منزّه مسلمان امام رضا
.
آچان آستانینده مشکل لری
پناه محبّان امام رضا
.
ایشقلاندیران صورتی یثربی
جمالی درخشان امام رضا
.
علی آدی موسی الرضا کنیه سی
ملائک نگهبان امام رضا
.
خانم نجمه نون باغینون میوه سی
وجاهتلی انسان امام رضا
.
قوجاقه آلوب اختری آفتاب
ائدوب عقلی حیران امام رضا
.
اذان وئردی موسی قولاقلارینه
تاپوب شأن شایان امام رضا
.
امامون آچوب غنچه سی گل اولوب
آلوب درس قرآن امام رضا
.
فقیرین الیندن دوتوب جدّی تک
ائدوب درده درمان امام رضا
.
چکردی الین بینوا باشینه
انیس یتیمان امام رضا
.
آلوب دعوتین خصم آل رسول
گلوب طوسه مهمان امام رضا
.
هامی شیعیه شمس رخشان کیمی
اولوبدور نمایان امام رضا
.
او گون مرد و زن چیخدی پیشوازینه
دعا ائتدی هر آن امام رضا
.
«معزی» یازار شعری اظهار ائدر
اولوب دینه قربان امام رضا
.
- دوشنبه
- 31
- تیر
- 1398
- ساعت
- 11:37
- نوشته شده توسط
- ابوالفضل عابدی پور
- شاعر:
-
استاد یوسف معزی اردبیلی
ارسال دیدگاه