• جمعه 10 فروردین 03

 سیدبشیر حسینی میانجی

متن شعر ترکی جشن عروسی مذهبی -(جنت عدنه نئجه شاخۀ طوبا یاراشار )

1652
3

جنت عدنه نئجه شاخۀ طوبا یاراشار 
گلشن جشنه ائله لالۀ حمرا یاراشار 
بونو عشق اهلی بیلر باشقاسی بیلمز بیلیرم 
چولده مجنونون اولا هر سوزو لیلا یاراشار 
قازا شیرینه گوره داغی الیلن فرهاد 
يئتیشه بیربیرینه وامق و عذرا یاراشار 
خوشدو عشق آتشینه عاشق صادق آلیشا 
یوسفه عشق دیاریندا زولیخا یاراشار 
قویمیون ایندی قدیم طویلاری یاددان چیخسین 
دامدان آتسا یارا یار قرمیزی آلما یاراشار 
صلواتیله گلین بخت ائوینه ساری گئده 
جهيزينده قويولا تربت اعلا ياراشار 
طوی گوروم قسمت اولا هامّی سوبایلاره بو ایل 
آنا طوولانسا بالا عشقینه طویدا یاراشار 
ال چالون ال چالانین ساغلیغینا ائل لریله 
هر چیچک چون چَپیگی غونچیا چالسا یاراشار 
کوره کن تازه گلینیله وئروبدور ال اله 
گول الیندن یاپیشا بلبل شیدا یاراشار 
آی گوروم بیر یاشاسینلار قاریسینلار بونلار 
جان دیوب جان ائشيده بو ايكی همتا یاراشار 
تانری وئرسين بولارا سالم و صالح قیز اوغول 
دیلدن آمین دئسه صدقیله اَحِبّا ياراشار 
مجلسین زینتی شیخلاردی عاشیقلاردی (بشیر)! 
طویا گلسه نقَدَر سن كيمی ملاّ یاراشار 

  • دوشنبه
  • 31
  • تیر
  • 1398
  • ساعت
  • 12:5
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران