صبا خبر ویر – خیرالنّسایه
غریب طوسه – موسی الرضایه
اوغلون ئولوب گل – سنده عزایه
.
دِئنه زهرا گل سینه وی داغلا
جان ویرور اوغلون گوزلرین باغلا
گوللروندن گل بیریده سولدی
شیعه لر قلبی قانیلن دولدی
آنا یا زهرا آنا یا زهرا ...
.
.
.
.
.
زهرکین ویروبلر – حضرت جواده
ای گوزوم توک اشگون – گل فغان وداده
ایرمی بش ایل عمرون – چکدی غم زیاده
.
ال اوزوب ایلدن غم نصیب اولدی
دردی بی درمان بی طبیب اولدی
دِئنه زهرا گل ...
.
.
.
.
.
دوشدی کسوفه – شمس امامت
میل ایلیوبدی – جام شهادت
زهر هیبتیندن – قالموبدی طاقت
.
سسلوری یاندیم بالاسی آغلور
سو ویرن اولمور سینه سین داغلور
دِئنه زهرا گل ...
.
.
.
.
.
عیالی ایتدی – امامی مسموم
آلوشدی قلبی – غمیله مغموم
آتادا مظلوم – بالادا مظلوم
.
آتادا مظلوم بالادا مظلوم
هرایکی مسموم هرایکی مغموم
دِئنه زهرا گل ...
.
.
.
.
.
معتصم جفاسی – ایلموشدی خسته
ام فضل الیلن – قید ظلمه بسته
جدّی تک قالوبدی – نعشی توپراق اوسته
.
هر یری دوتدی – عطر گلْ ریحان
قالدیلار هامی – بو ایشه حیران
دنه زهرا گل ...
.
.
.
.
.
(عدلی) نوحه سین یاز – دوت بوگون عزاسین
گی صداقتیله – اگنیوه قراسین
ایسته هر مریضه – هر مریض شفاسین
.
دِئنه زهرا گل سینه وی داغلا
جان ویرور اوغلون گوزلرین باغلا
دئنه زهرا گل ...
.
- دوشنبه
- 31
- تیر
- 1398
- ساعت
- 12:20
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه