گل اوغول هادی ئوزون امداده اوغلوم جان ویروم
باغلا آغلار گوزلریم دنیاده اوغلوم جان ویروم
تز یتش امدادیمه
گل اوغول فریادیمه
.
.
اُم فضلین گور نجه دست جفاسی وار بالا
باخ آتون الدن گیدور دیلده دعاسی وار بالا
قوی دیسونلر آغلیان نازلی بالاسی وار بالا
باشیم اوسته گل عزیزیم دیده گریان جان ویروم
.
.
گوزلریم باغلا کفن‌پوش ایله باری سن منی
گور نجه آفت ووربدی اوتدا یانموش گلشنی
گوزلریمدن ایسترم چوخ بو جهاندا من سنی
ئوز قوجاقونده اوغول من جان بوگون آسان ویروم
.
.
نصف شب غمدن جگر یاندی هرایه گل بالا
اَل گوتور سمت خدایه سن دعایه گل بالا
وار نیازیم باشیم اوسته بیر نوایه گل بالا
گل جمالون تا گوروم ئوز عمرومه پایان ویروم
.
.
«غمکشا» آغلار گوزون هجر و غم دیلدن زیاد
دادیوه محشر گونی حتماً گلر مولا جواد
گوزیاشوندی اعتماد و اتحاد و اعتقاد
سسله مولا گل ئولنده باشیم اوسته جان ویروم
.
.
- دوشنبه
- 31
- تیر
- 1398
- ساعت
- 12:23
- نوشته شده توسط
- ابوالفضل عابدی پور
ارسال دیدگاه