کینه زهریندن جواد بو گونده افغان ایلوری
جاننی اوز جدی تک اسلامه قربان ایلوری
.
رهبر دینون زبسکه ناله سی جانسوز اولوب
شمع تک یاندی جفادن گول کیم رنگی سولوب
وامصیبت لر سسیلن شیعه لر دنیا دولوب
شعله سی اود ویردی جانه قلبی سوزان ایلوری
.
درده پیچیده چکور آه و گهی ایلور نوا
اوغلونی سسلور گتورسون سو اولور دینه فدا
بس یانور سوز عطشدن نقش باغلور کربلا
غربت ایچره غربت شاه شهیدان ایلوری
.
باخبر اولسون جماعت دخت مامون ایستمز
مومنه اولسا عیال هرگز خیانت ایلمز
ام فضل الله واکبر لفظینی دوز سویلمز
ایتدی محبوس منزلی اول شاهه زندان ایلوری
.
اوز ایوینده اولدی زندانی قالوب تنها امام
پیشوای مومنین و زادۀ خیر الانام
یوز دوتوب درگاه حقه سویلدی من یالقیزام
دیلده گل زهرا غریبم لفظین عنوان ایلوری
.
ایستدی سو جان ویرنده مانع اولدی بی وفا
لیک سو ویردی امامه اوغلی دیلده وا ابا
عاقبت جانویردی جانانه جواد ابن رضا
گتدی افغانه فغان شاه خراسان ایلوری
.
قصد ایدوب قرآن ناطق پیکرین بی دین عدو
بولمیه مردم امامی گیزلدوبدی کینه جو
دشمن دین خداده اولمیوبدی آبرو
اوچ گجه مانند گنج منزلیده پنهان ایلوری
.
گون قباقینده قویوبدی پیکرین اوچ گون قالا
بلکه بوی بد تاپا تا مردمون صبرین آلا
گوردولر بوی جنان وار عطر وار هاردان هارا
چهرۀ خورشیدی سوزان بیرده تابان ایلوری
.
معتصم ظلمی عیاندی ایلدی بی حد جفا
صبر ایوین یخدی او دم آغلار بنات مصطفی
پیکرین مسلم کیمین آتدی اوجا یردن خدا
دیو صفت لر عکس امر دین و قرآن ایلوری
.
ای محبت ملکونون فرماندهی مشگل گشا
#عدلی نون بیر دردی وار ایلور دعا اولمور دوا
جان زهرا و رضا ایت درگه حقه دعا
بو مریضه ام تا گوره حق درده درمان ایلوری
- سه شنبه
- 1
- مرداد
- 1398
- ساعت
- 11:26
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه