ای شیعه بو عزاده، گل نی مثالی داده
ایچدیردی اوز عیالی، زهر جفا جواده
.
عمری گئدر فنایه داش شیشیه توخانسا
قوشلار اولالا ویلان اود دوشسه لانه یانسا
بو بیر اشاره بسدی هرکیم اشاره قانسا
معلومیدی نه ایلر زهر جفا فواده
.
کیم دوشسه بو جهاندا غم غصه بسترینه
دردین دیر ایوینده ایستکلی همسرینه
تسکین ویرر عیالی قلب مکدرینه
گور مهربان عیاله کیمدی چاتا وفاده
.
اولدی عیالی اما نامهربان جوادین
بیر قوش کیمی ایوینده سیندیردی قول قانادین
زهر جفایه آخر توش ایلدی فوادین
زهرانی یاسه گتدی دل داغلی سرگشاده
.
سنی اگر آزیدی غم غصه سی چوخیدی
بو فوق العاده نسگل قلبینده بیر اوخیدی
اوز منزلینده حتی امنیتی یوخیدی
دردی حسن تک اولدی دنیاده فوق العاده
.
بیر باغلانان اتاقدا جانی چیخاندا عطشان
بیلدیم دیدی نه چکدون سن یا حسین سوسوزدان
لب تشنه اولمیشیدون مقتلده قانه غلطان
قالمیشدی گل جنازون بی پیرهن اراده
.
قفلون گلوب آچالا بو باغلانان اتاقین
اوچ گون منه ایدلر مسکن گونون قباقین
سینمده گورمم اما شمرون آغیر ایاقین
گئتمز باشیم سنون تک شامه سر جداده
.
من جان ویرنده قاتل باشیم قفادن اوزمز
ظلمیله پیکریمی آتلار ایاقی ازمز
سجاد تک رضاده قول باغلی چولده گزمز
اولماز سنون غمون تک غم عالم فناده
.
دردون سنون حسین جان هر دردیدن چتیندی
گوزلر منیمده اولسا گوز یاشلاری سنیندی
ایلده نه تک محرم نالان و دلغمیندی
#خاکی گچوردورعمرون بلکه هرآی عزاده
- چهارشنبه
- 2
- مرداد
- 1398
- ساعت
- 12:53
- نوشته شده توسط
- ابوالفضل عابدی پور
- شاعر:
-
حاج روح الله رمضانی
ارسال دیدگاه