خلایقدن وجودی محترمدور
حسین عشقینده کیم ثابت قدمدور
هایاندا اولسا زائردور حسینه
یانان قلیبی او مولایه حرمدور
تیکر حسرت گوزون شش گوشه قبره
اونی حیران ادن قاره علمدور
یوزی نودانی دور روحیه سی شاد
اگر چه هر محرم غرق غمدور
حسینسیز اعتنا ائتمز جنانه
حسینیه اونا باغ ارمدور
بو دنیا مالینا اویماز اونا چون
حسینون عشقی ثروتدی درمدور
دییر هر دم اورک دردین حسینه
بیلر چون کی آقاسی ذُلکرمدور
تفاوت ایله مز کیمدور گداسی
اروپایی عرب یا کی عجمدور
حسینه آغلیار سولر همیشه
نقدری آغلاسام مولایه کمدور
حسینه آغلیاندا سیلسه اشکین
اگر دسمالیلن یوزدن ستمدور
بو اشک ایلر اودی دوزخده خاموش
بونون یانینده اقیانوس نمدور
بصیرت السا هر کسده گورر کی
بو بیر گوهردی کی یوخدور نظیری
بونون بیر قطره سی دوشسه جزایه
شفاعت ایلیر اهل ولایه
آخاندا گوزدن ایلر روحی تطهیر
دوادور هر گناهه مبتلایه
وروب الله اوزی بو جایگاهی
حسینون روضه سینده بیر بکایه
او مولا چون خدانین ساحتینده
عبودیتده چاتدی منتهایه
آناسی فاطمه مثلی خداده
ائدوب عصمت عطا ائول مقتدایه
تمام الدی وجودینده فضیلت
سورا وردی اونی پای مرتضایه
پیمبر تک چکوب معراجه جسمین
جلالتده الوب تای مصطفایه
چالب ام ابیها مثلی لای لای
بشیکده جبرئیل ائول مه لقایه
تاپوبدور پرورش حیدر ائوینده
چکوب حسنی جناب مجتبایه
کسا بزمین قوراندا ختم مرسل
صفا وردی حسین بزم کسایه
بیلوب شیعه اونی اوچمینجی رهبر
اون اوج معصوم تک مظهر خدایه
شفاعت ایلین خلقی جزاده
خدا امریله مخلوقین امیری
خلایق حیف اولا ائول شهریارین
سالوبلار جانینه ظلمین شرارین
ائو ساعتدن کی نیت ائتدی حضرت
قیلا حجه گوره ترک ائوز دیارین
گوتوردی توشه باغلاندی اساسی
اوزیلن همسفر اتدی تبارین
حرملر اولدی آماده آلوبلار
بنی هاشم جوانلاری کنارین
سفر ایضادی بیر نوزاده اما
گرک جبرآ اپارسون شیر خوارین
چیکوب اهل قبوره باش زیارت
ائدیب طاهاایلان زهرا مزارین
ودائلاشدی قالانلاریلا سالدی
جالالیلان یولا عترت قاطارین
گدنلر بیر بیریلن یولداش الدی
تاپوبدی کارواندا یار یارین
حسینه غم شریکی زینبیدی
گتورمیشدی ائوزیلن غمگسارین
گدوردی کاروان بیت الحرامه
زیارت شوقی آلمشدی قرارین
نچه منزل گدوب یول ایلیوب درک
او یرقون کاروان کعبه جوارین
طواف کعبیه محرم الوبلار
هامی تسبیح ادوب حی کبیری
آلالار فیض قربانی منادن
قوتارجاق حاجیلار صعی وصفادن
حسین ابن علی ایستوردی اما
آلا بو فیضی آیری بیر منادن
گورب چون کی یزیدون حربه سیندن
دولوب کعبه حریمی بی حیادن
گلوبلر حجه اما ایستیولر
امامه حمله ائتسونلر قفادن
هامی حجه ادامه وردی اما
حسین آیرلدی بیت کبریادن
نه سر پیچی ادور فرمان حقدن
نه ده پرواس وار اهل جفادن
گوره بیلمز خلایق اشتباهین
مبرادور او حضرت هر خطادن
او حجی عمره اتدی کی مبادا
آخا خلقین قاتی بیت خدادن
گنه یولاندی یرقون کاروانی
اورک چخمور ولی اوردا دعادن
یول اوسته خطبه ایراد اتدی غرا
بویوردی دویموشام دار فنادن
توکل ائتدی آلاها آلوبدور
مدد جد کبیری مصطفادن
چیخوب دور کعبه دن ائول کعبه روحی
ادامه وردی کاروان مسیری
اگر چه مقصدی کوفه ایدی اما
اونا کرب و بلا اولدی محیا
ازل حکمیله آخرده حسینون
الوب اخیامی ائو ل صحراده برپا
خلیل الله ائو گون کی ائوز بالاسین
مناده ذبح ائدوردی حق یولوندا
الیکی کسمگه ائتدی اراده
کسردن دوشدی بیردن تیغ برا
همان حقین یولوندا کربلاده
حسین اولدی ولی ذبحآ عظیما
منایه گتمدی محرم اولاندا
منا اولدی اونا کرب و معلا
وروب یتمیش ایکی قربان او چولده
او قربانلاریلان دین اولدی احیا
چخوب نهرین یانیندا تشنه جانی
قالوب حسرت دوداغلارینا دریا
فلک قان آغلادی بو ماجرادن
معذا ائولدی اهل عرش اعلا
نه تک شیعه گرک ترسا چکه آه
ادر ناله بو غمده چون مسیحا
ادن بیر بیله ظلمی ائول امامه
نجه آدین مسلمان قویدی اما
کی چکدی ائول امامه کینه تیغی
ووروب نوزادینه اوچ شعبه تیری
- پنج شنبه
- 3
- مرداد
- 1398
- ساعت
- 11:41
- نوشته شده توسط
- ابوالفضل عابدی پور
- شاعر:
-
حسنعلی بالایی
ارسال دیدگاه