غائب اولدی تا امام عصریمیز، عنقا کیمی،
روزگاری عالمین اولدی شب یلدا کیمی
چکدی عالمدن اؤزون بیر دست استغنا کیمی،
نور چشمیم پرده لندی کعبۀ عُلیا کیمی،
گوشه گیر خلوت اولدو دیدۀ پلتا کیمی
.
کنز مخفیدن نهان اولموش کَن اُول دُرّ یتیم،
عالم ناسوته گلدی، اولدی بیر مدّت مقیم
اُول سراج مجلسِ وحدت، صراط المستقیم،
گؤردی اولموش عالم صورتده آسایش عدیم،
دیدۀ اغیاردَن اولدی نهان معنا کیمی
.
اُول کلیم طور وحدت کیم علوّ نام دَن،
والیِ مصر ولایتدیر ازل ایّام دَن
عاقبت چکدی نه غملر، دُؤر صبح و شام دَن،
کینۀ فرعون و قوم شوم و بد انجام دَن،
جیب غیبی ایله دی منزل ید بیضا کیمی
.
کشف اُولوب اُول نور اوّل ابتلای مصطفا،
بیلدی اعدادَن نلر چکمیش علیّ المرتضا
آشکارا دیر بلای سرگذشت #کربلا،
گؤردو یوخدور مردُمِ عالمده آثار وفا،
گیردی اسم بی مُسمّا شکلینه عنقا کیمی
.
عقل کُل دان ائیله دی آیات قرآن تک نزول،
بَدودن قوس وجودا ایلییب جان تک نزول،
عالم امکانه قیلدی نور یزدان تک نزول،
مبدأ عُلیادَن ائتدی آب نیسان تک نزول،
مختصی اولدی صدفده لؤلؤءِ لالا کیمی
.
تشنه اولدی جویبار شرعی جاری قیلماغا،
عالمی خوان کمالین ریزه خواری قیلماغا
اهل عشقی مظهر انوار باری قیلماغا،
نورونو تدریجیله ذرّاتا ساری قیلماغا،
ائتدی ابر ایچره تواری بیضۀ بیضا کیمی
.
عارف و کامل گؤروب رویون، ائدر کسب شرف،
گؤرمیه ن گؤز نور رُخسارین گَرک اولسون تلف
وادی حیرتده چوخلار پویه قیلدی هر طرف،
اولدوغوندان مسأله مشکل، مقاصد مختلف،
اولدو ناداندان خفی ماهیّت اشیا کیمی
.
ای کی ذؤق وصلینی بو شاهین ایلرسن رجا،
جسم خاکی ترک ائت، اول روح پاکه آشنا
غایت لطفوندن اولموش مختفی اول دلروبا،
روحدور، روحون اولور خاصیّت ذاتی خفا،
بوی گول طبع معادن نشئۀ صهبا کیمی
.
بیر گون اول ماه جهان افروز اولور ناگه عیان،
کیم دولار ظولم و تعدّادن زمین و آسمان
قسط و عدلیندن دولور مجموع اقطار جهان،
ایلدی تقدیر اونو صندوق غیب ایچره نهان،
اؤزگه موسملرده عیده ساخلانان کالا کیمی
.
سیّد بیچاره یم شاها منه قیل بیر کرم،
انتظاریندان گلیر خونابه گؤزدن دم به دم
جان ظهورون واختی وصلیندن اولورمو مُحترم؟
خاطرِ #نابی اولوب بازیچۀ امواج غم،
جوش ائدر گه یأس و گه امّیدیله دریا کیمی
.
- شنبه
- 5
- مرداد
- 1398
- ساعت
- 14:31
- نوشته شده توسط
- ابوالفضل عابدی پور
- شاعر:
-
سید عظیم شیروانی
ارسال دیدگاه