اصغر
ای منصبی باب الحوائج
چوخلار الوب سندن نتایج
مریضیمیز واردی کرم قیل
مولایه خاطر ائت معالج
.
اصغر
ای معنی ایثار و تقوا
إنا فتحنایه مُسَمّی
درداهلینون سن سن دواسی
سندن الار حاجت اطبا
.
سن سن کرامت کانی اصغر
عاشقلرین رضوانی اصغر
مشکلده قالموشوک عنایت
ایله ربابین جانی اصغر
.
.
.
.
اصغر
آدوندی اصغر شأنون اکبر
ای غنچه ال پیمبر
دیلسیزده اولسون,کربلاده
ذکرون اولوب الله اکبر
.
اصغر
اولدون شهید راه قران
کوی مناده تشنه قربان
یاده دوشر ادون دیینده
نازک بوغاز اوچ شعبه پیکان
.
یانام سنه یللر اسنده
نازک بوغازه اوخ دگنده
گولمگون اغلاتدی حسینی
اوچ شعبه پیکانی چکنده
.
.
.
.
اصغر
ای کربلانون قان سحابی
قنداقی قاندان رتختخوابی
آغلاتدی زهرانی ولیکن
یاندیردی هجرانون ربابی
.
اصغر
دیدی بالا هایاندا قالدون
باشیمه غم قراسی سالدون
الیوی باغلادیم حلال ائت
قراریمی الیمدن الدون
.
بولوط کیمی غمیله دولام
سنون یولوندا فدیه اولام
الیوی باغلامارام اصغر
سینمه گل دوباره الام
.
.
- سه شنبه
- 8
- مرداد
- 1398
- ساعت
- 11:38
- نوشته شده توسط
- ابوالفضل عابدی پور
- شاعر:
-
حاج محمد متقی تبریزی
ارسال دیدگاه