عباس
اویان بو چولده یاتما قارداش
او گُل یوزیوه توکمه قانیاش
گوزیوه دی گروم نه گلدی
او مَه یوزون نجه گوزلدی
.
.
عباس
بلیم سینوب سنون غمونده
دوشنمیشم بو مقدمونده
من آغلارورام بو ماتمونده
گوزون قالوبدی پرچمونده
.
.
عباس
رقییه سو قولی ویردون
بو مشک پاره نی گتیردون
غمونده گوز یاشیم دایانماز
رقیه اولمگین اینانماز
.
.
عباس
رقیه ایستمز سو سندن
الیوی اوزمه سن حسیندن
گیداخ خیامه ایتمه شیون
گولور حسینه چولده دشمن
.
.
عباس
نجه دوزوم بو چولده سنسیز
دایان جنانه گیتمه مَنسیز
بو چولده یولداشیم سنیدون
وفالی قارداشیم سنیدون
.
.
عباس
سو سو زدی اصغریم خِیَمده
آناسی آغلیور بو غمده
بالام چالوخلیور ندیم من
خیامه تک نجه گیدوم من
.
.
عباس
بو پیکرونده ساق یرین یوخ
آلا گوزیوه کیم وروب اوخ
یارالیم حسینه سس ویر
آدامسیزام منه نفس ویر
.
.
عباس
قراریمی غمون آلوبدی
بو قولاریوی کیم سالوبدی
گوزون قانین الیمله سیلَّم
دانوشماسان مَنیله اولَّم
.
.
عباس
حسینیوی سن آتمازیدون
منیم یانومدا یاتمازیدون
بو قلبی تیر غم دلوبدی
حسین سنه قوناق گلوبدی
.
.
عباس
نه اولدی گوز یاشین اَلیردون
حسینی قارداش سسلنیردون
مگر آنامی سن گوروبسن
قوجاقلیوبدی دینجلوبسن
.
.
عباس
گوزون یاشین سیلر حسینون
سنه دعا ایدر حسینون
نظر ایله بو (پوریایه)
گَله بو دشت کربلایه
.
- سه شنبه
- 8
- مرداد
- 1398
- ساعت
- 11:39
- نوشته شده توسط
- ابوالفضل عابدی پور
- شاعر:
-
احمد پوریا
ارسال دیدگاه