نه واردی قصره علاقم نه مایل تاجم
فقط حسینه حسینه حسینه محتاجم
.
حسین آدیلا اوقدری عروج ائدر روحیم
که گاه حس ائدورم منده مرد معراجم
.
انا الحسین دیورم کافر اولموشام یاران
گلون چکون منی داره که منده حلاجم
.
اوطفل مدرسه که ذکر ائدور حسینون آدین
جانیم او کودکه قربان اودور بویوک خواجم
.
ایویمده خیمه قورورب اوستونه حسین یازورام
دولانورام باشینا سویلورم که الحاجم
.
حسینون اول قوری عطشان یانان دوداقلارینا
ئولونجه آغلاماسام یوسف اوغلی حجاجم
.
حسینه سجده نی رد ائتسه عقل بوشلا منی
اوتوز بش ایلدی که عقلین صفیندن اخراجم
.
حسین دیوب گورورم ذوالجلالی قلبیمده
گور ایندی جامیده من غیبه ناظرم یا،جم
.
ویرون بهشتی منه تا دریم شکوفه لرین
حسینچی لر ایاقیندا سریم شکوفه لرین
.
- پنج شنبه
- 10
- مرداد
- 1398
- ساعت
- 9:52
- نوشته شده توسط
- ابوالفضل عابدی پور
- شاعر:
-
عسگر شاهی اردبیلی
ارسال دیدگاه