بیر جنایت ایلیوبدی خصمِ نادانِ بقیع
آغلیار قان کیم اولا یثربده مهمانِ بقیع
قالدی ای اهل جهان
قبرلر بی سایبان
.
بیر سوالیم واردی سیزلردن منیم ای شیعیان
اولماسین آیا نجه گوز یاشلاری گوزدن روان
قبریلر اوسته نه واردی گنبد و نه سایبان
اود وئرور قلب جهانه صحن ویران بقیع
.
خاکیله یکسان ائدوبلر بی حیا وهابی لر
گنبد و گلدسته دن اوردا تاپیلماز بیر اثر
کیم او قبرستاتی گورسه هی توکر اشک بصر
قلبیلرده حشره جک وار درد پنهان بقیع
.
غربتی ایللر بویی قلب جهانی داغلیور
غملرین یاده سالان اشکین عذاره باغلیور
زائری نقل ایلیولّه اوردا گیزلین آغلیور
قلب ائوین ای شیعه ایله بیت الاحزان بقیع
.
واردی بطنینده همیشه ناله وشیون سسی
تتردورغملی نواسی طاق چرخ اطلسی
حشره جک امکانی یوخ بیردم کسیلسین ناله سی
گوش دلده وارگنه هرلحظه افغان بقیع
.
غصه صوتی واریری اوردان اولاهرگون طنین
چون بقیعدی بیت الاحزان خانیم ام البنین
اورداایلردی همیشه غصه دن دادوانین
گوزلرینون یاشینی ایتمیشدی باران بقیع
.
باشین آچدی دمبدم آهیله سینه داغلادی
اوخشادی عباسینی قانیاش عذاره باغلادی
تاایشیتدی ناله سین حالینه مروان آغلادی
اول قساوت صاحبی اولدی پریشان بقیع
.
- پنج شنبه
- 10
- مرداد
- 1398
- ساعت
- 11:17
- نوشته شده توسط
- ابوالفضل عابدی پور
- شاعر:
-
حاج روح الله رمضانی
ارسال دیدگاه