بــزم اَدَبین بلبل خوش خوانیده گئتدی
سولدوردی بو نیسکیلله گلستانیده گئتدی
.
تنها نه فقط آذر ائلین درده سالوبدی...
آغلار قویوب احوالینه ایرانیده گئتدی
.
آماده اولوردی اوخیا بزم عزاده...
روحی پَرآچوب گویلره بیرآنیده گئتدی
.
احرامی جواد بن رضا قاره‌سی اولدی
راضی ائلیوب شاه خراسانیده گئتدی
.
آغلاردی ئوزی روضه دینده هامیدان چوخ
باغلاندی نجه دیدهٔ گریانیده، گئتدی
.
فقدانی چکر سینه‌چیلر قلبینه داغلار...
یاندیردی یانان جانیده، جانانیده، گئتدی
.
فکر ائتمه فقط گوزلری آغلاتدی غمینده
دوندردی قانا قلب پریشانیده گئتدی
.
هرقدری اونا ویردیلا دیل یاره‌سی گولدی
عفو ائتدی جفاپیشه‌لی یارانیده گئتدی
.
دوز نوکر اولوب شاه شهیدانه جهاندا...
عرشه اوجالوب رتبه و عنوانیده، گئتدی
.
#منصوری عزا بزمینه بیر نوعی گلردی...
خشنود ائلییَه شاه شهیدانیده، گئتدی
.
از بسکه ادبلیدی، یازوب مطلعه (فیضی)
بزم ادبین بلبل خوش خوانیده گئتدی
- شنبه
- 12
- مرداد
- 1398
- ساعت
- 10:57
- نوشته شده توسط
- ابوالفضل عابدی پور
ارسال دیدگاه