بوگجه گوی ايستوری ير اهلينه ساغر اولا
جام صهبای فرحدن جانه روح پرور اولا
.
بو گجه خوش نغمه مُطرب ساقی گُل چهره دن
ايستوری جام ولايت كامی تا شّكر اولا
.
پَرنيانِ نيلگون جامه گيوب دور آسمان
نوعروسان تك اوزون زينت ايدوب زيور اولا
.
گوشواره سیمگون آويز ايدوبدی فكری وار
زينتی درّ و صدفدن حلقه سی گوهر اولا
.
بو گجه اولدوز لار ايچره خوش ياشور ماه منير
الده می اطرافيده ايستور گوزل اختر اولا
.
ميل ايدور پيمانه دن پروين و زهره مست اولا
پای كوبان مُشتری دور گويلی وار ساغر اولا
.
انجم ايچره ناز و عشوه زينته وار دور سبب
منتظر دور می ويرن تا ساقی كوثر اولا
.
چون صاباح بير اَلْ اَلی قوزار ديير
جبرئيل گتدی خبر حيدر گرگ رهبر اولا
.
بو علی دور بعدِ من مولا و سرور سيز لره
بو سرير ِسلطنت ده اگلشن حيدر اولا
.
هر كيمه مولا به نفسم نفسينه مالك دی بو
مرد حقدی لشكر حقّه علی افسر اولا
.
جبرئيل ويردی خبر سندنصورا ای مصطفی
سكّة شاهی بنام فاتح خيبر اولا
.
ير غدير خُم دی ليك موج ايلوسوز دريا كيمی
كشتی لولا كه ُاوْلی دور علی لنگر اولا
.
باش اگوبدی آسمان ايستور يره ايتسون نزول
اوپماقا دست علينی اَ طْيَب و اَظْهَر اولا
.
يوخدی اورنگ خلافت جز سزاوار علی
لاف شاهی ويرميون تا آيرسی قيصر اولا
.
جمع ايدون سيز ير يوزوندن هر بساط داوری
منتخب ايتدوم علينی آيت داور اولا
.
بو امام و جانشين هم رهبر كل جهان
مركز پرگاِر دينه بو گرگ محور اولا
.
ديني تكميل ايلديم مَنْ كُنتُ مولی لفظيلن
قبر ايوينده راحتم من تا دم محشر اولا
.
- دوشنبه
- 14
- مرداد
- 1398
- ساعت
- 10:22
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه