آغلارام مظلوم امام باقره قان آغلارام
ایلرم سوگینده هردم آه وافغان آغلارام
زار و نالان آغلارام
.
بوگجه ای شیعه لرعالم گنه باتدی غمه
غصه لرغملرآلندی سربه سربوعالمه
آغلیور اؤزاوغلوناباغ جناندافاطمه
سس قوشوب خیرالنسایه سینه سوزان آغلارام
.
.
عالمی ویران اولابوشاه ده مظلوم اولوب
مجتبی تک فتنهٔ اشراریدن مسموم اولوب
شیعه سی ماتم دوتوبدی عترتی مغموم اولوب
یئرگوی آغلورحالینه منده نواخوان آغلارام
.
.
سینه ده واردورنه چوخلی دردوداغون ای بقیع
پرپراولموش گوللرون ویرانه باغون ای بقیع
آچ قوجاقون بوگجه واربیرقوناقون ای بقیع
باقرآل عبایه دیده گریان آغلارام
.
.
جان وئرینجن کربلاداغی یادیندان چیخمادی
جدینون لب تشنه ئولماقی یادیندان چیخمادی
خیمه گاهین غارت اولماقی یادیندان چیخمادی
یادیمه دوشسه منیمده اول غم هرآن آغلارام
.
.
ایستسم نوحه اگراحوال غارتدن یازام
ایلیم ناله گرک وضع قیامتدن یازام
قمچی،سیلی،شمروخولیدن،قساوتدن یازام
گؤزلریم غمدن اولارابربهاران آغلارام
.
.
کوفه اهلینده اوساعت ذره احساس اولمادی
آل طاهانین غم وآلامی مقیاس اولمادی
قیزلارین فریادینه چاتماقه عباس اولمادی
نیلدی قیلسام مجسّم اهل عدوان آغلارام
.
.
حضرت باقراوگون دوردیاشلی بیردلداریدی
شاهدظلم وجفای فرقهٔ اشراریدی
دردومحنتدن نواخوان دیده سی خونباریدی
اودایچینده اونداقالمیشدی پریشان آغلارام
.
.
کوفیان آتلی پیاده مخیمه دولموشدولار
جسم عباسی گؤروب قولسوزجری اولموشدولار
خیمه خرگاهین طناب وبندینی یولموشدولار
وای حسین وای سسلرم دیلده بوعنوان آغلارام
.
.
باش چکوردی هرطرفدن آسمانه شعله لر
قیزلارین دامانی اودلانمیشدی ،گوزده اشک تر
چوللره حیران قاچوب واعمتا سسلردیلر
ظلم اشراره قالوب مبهوت وحیران آغلارام
.
.
باخدی حضرت گؤردی هرکس بیریاناائتدی فرار
خیمه ده بیمارآتاسی قالدی زاروبی قرار
قالمادی فریادرس شعله چکوب اودلاریانار
سوزش نارجفادن اشک ریزان آغلارام
.
.
قاچدی فوراسسلدی گل قلبیم اودلاندی بی بی
چاره قیل قالدی یاناراوتدابابام یاندی بی بی
طاقتی یوخدورچیخااوتدان الولاندی بی بی
یانسابواوتدابابام وارتنده تاجان آغلارام
.
- دوشنبه
- 14
- مرداد
- 1398
- ساعت
- 12:52
- نوشته شده توسط
- ابوالفضل عابدی پور
- شاعر:
-
علیرضا حضرتی (ناعمی)
ارسال دیدگاه