محالدور توکه روز جزاده اشگ بصر
امام باقر عزاسینده آغلیان گوزلر
.
گل آغلا باقرعزاسینده ای حمیده خصال
امامه زهر جفا وئردی ظلم پیشه هشام
.
گل آغلا باقر عزاسینده های هاییله
امامه ساخلا عزا ، نوحه و نوائیله
.
گل ایله باقر عزاسینده اشگیوی جاری
کی دین ومکتبی حفظ ایلراشگ بیداری
.
گل آغلا باقر عزاسینده ای گل بی خار
جزاگونونده بوگوز یاشوون نتجه سی وار
.
فلکلر آغلیور الساعه غملی مولایه
گل آغلا تسلیت عرض ایله غملی زهرایه
.
گل آغلا قوش سسیوی صاحب عزاسسینه
توک اشگ نابیوی آغلا یانیخلی نوحه سینه
.
ملک فلک گیینوب قاره آغلیور آقاما
آناسی نوحه دیور سینه داغلیور آقاما
.
امام ساجدین اوغلی ئولوب پریشاندی
غمینده قاره گیوب عرش وفرش نالاندی
.
یازاندا نوحه خلوصیله «جاهد» ایله نوا
کی غملی نوحیه خلعت وئررخانم زهرا
.
یاز آغلا باقر عزاسینده توک گوزوندن یاش
آناسی فاطمه گوز یاشیوه وئرر پاداش
.
- دوشنبه
- 14
- مرداد
- 1398
- ساعت
- 13:3
- نوشته شده توسط
- ابوالفضل عابدی پور
- شاعر:
-
حاج علی پور علی
ارسال دیدگاه