بو شیعه باشینه افسر علیدور
ولایت کنزینه گوهر علیدور
علیدور مال ملک عدالت
بو عالمده فقط رهبر علیدور
.
.
خدایه بندّاکمل علیدور
وصیّ حضرت مرسل علیدور
على نور خدادی یوخ نظیری
صراط حقیده مشعل علیدور
.
.
سالوب وحشت دل دشمنلرینده
دوتوب جانین او اخلاص اللرینده
گوروب پیغمبره گویا خطر وار
یاتوب مولا، پیمبر بسترینده
.
.
هانی بیر کس علینون پایه سینده
اونی تعریف ائدیب حق آیه سینده
اورکده هر کسین حبّ على وار
گزر جنّتده حیدر سایه سینده
.
.
گرکدی شیعه ائتسون سرفرازی
ائدوبدور اُسوه سلطان حجازی
صلاتی شیعه سی ترک ائتمز هرگز
على ردّ ایلیوبدی بی نمازی
.
.
على لنگر سالوبدی بحر دینه
ولاسی حصنیدور اهل یقینه
بیزه بیگانه اصلا چپ باخانماز
على حاکمدی چون بو سرزمینه
.
.
علیسیز عمریلرده لذّت اولماز
علیسیز بو بشرده عزّت اولماز
علینون شیعه سی ظلمه باش اگمز
علینون شیعه سی بی غیرت اولماز
.
.
یاراتمیش نوریدن حق بوترابی
اودور اسپهر رحمت آفتابی
بو شاهه هر خانم گر اولسا شیعه
گرک حفظ ایلسون باشدا حجابی
.
.
علی چون جاندی ایمان پیکرینده
على جوهردی قرآن گوهرینده
دیون اُؤل فرد بیگانه پرسته
سنه یر یوخ علینون کشورینده
.
.
قوتاردی آخرین حجّین پیمبر
چیخیبدی کعبه شهریندن او سرور
غدیر خم چولونده امر حقلن
نزول ائتدی یره اُول پیک داور
.
.
رسول اللهه حقدن آیه گتدی
ولیّ اللهه بیر پیرایه گتدی
علیدور جانشین ختم مرسل
ولایت تاجینی مولایه گتدی
.
.
یغیبلار بیر یره حجّاجی یکسر
بویوردی بو سوزی شخصاً پیمبر
کیمه من رهبریدیم آگه اولسون
على اولدی اونا مولا و رهبر
.
.
الیندن دوتدی قالخیزدی هوایه
دئدی حق لطف ائدیبدی مرتضایه
سیزه مندن سورا سرور علیدور
طنین انداز اولوب سوز نُه سمایه
.
.
على باشه قویوب تاج عنایت
بو خلقه آشکار اولدی امامت
ملک لر شاد اولوبدی نُه سماده
دئدی اولسون مبارک بو ولایت
- سه شنبه
- 15
- مرداد
- 1398
- ساعت
- 9:45
- نوشته شده توسط
- ابوالفضل عابدی پور
- شاعر:
-
رضوی زنجانی
ارسال دیدگاه