حسین بو کوفه نین اهلی وفادن آیریلدی
دونوب یاد اولدی هامی آشنادن آیریلدی
.
بولار کی یازدیلا بیز رهنماسیزوک تز گل
ال اوزدی هامیسی بو رهنمادن آیریلدی
.
اولده شمع هدایه اولوبلا پروانه
داغلدی تک تکی شمع هدادن آیریلدی
.
رضای ابن زیاد پلید و شومه گوره
بو کوفه اهلی رضای خدادن آیریلدی
.
بولارا کعبه سنیدون مناده مسلمدی
نه تز بو ناحاجیلار گور منادن آیریلدی
.
اولوبلا تابع ظلمت چکوبله نوردن ال
بولار چو شبپره نور و ضیادن آیریلدی
.
مریض بستر نرم جهالت اولدی چوخی
بو گون بو کوفده دارو دوادن آیریلدی
.
قوناقی دعوت ایدن میزبان ایدوب بیر ظلم
شعف آقا دل اهل سمادن آیریلدی
.
ادامه سی هله واردی بو ظلمون ای مولا
بو بیر جفائیدی اهل جفادن آیریلدی
.
آماندی گلمه حسین جان گورر گوزون بیر گون
خدیجه مثلی ؟ رقیه بابادن آیریلدی
.
رسالتین باشا مسلم یتوردی دنیاده
اگر چه ظلمیله دار فنادن آیریلدی
.
قولاق ویرون دیوم ایندی سیزه ای اهل عزا
حسین نه نحویله خیمه سرادن آیریلدی
.
اوزوک قاشی کیمی قیزلار او شاهی دوره لَدی
نوا حجازه طرف کربلادن آیریلدی
.
یاپیشدی نازلی رقیه باباسینین اتگین
قرار دل او شه قل کفی دن آیریلدی
.
نوازشیله حسین قیزلاری ایدوب آرام
اوپوب جمالینی زین العبادن آیریلدی
.
هامونی ایتدی وداع ولیک فکر ایلمه
باجیسی زینب او تشنه فدادن آیریلدی
.
گوزوم ضیاسی دیدی زینبون گلور قارداش
دایان آماندی بو گوزلر ضیادن آیرلدی
.
یتوب دوداقیمه جان غصه لر کمندینده
دایان کی جان بو تن بی نوادن آیریلدی
.
اوپوم ننم عوضیندن سوسوز بوغازوندن
کی بلکه غم دل خیرالنسادن آیریلدی
.
باجیسی زینبیده ایلدی حسین آرام
خلاصه خواهر بی اقربادن آیریلدی
.
اوغول داغی اورگینده یتشدی میدانه
هاچان بالاسی اولنلَر عزادن آیریلدی
.
او قدری جنگ ایلدی شاه دین اولوب خسته
یخیلدی مقتله جسمی قوادن آیربلدی
.
باخوبدی شمر دنی گوردی یاخشی فرصتدی
الینده خنجری قوم دغادن آیریلدی
.
او سمتیدن او دنی بو سمتیدن زینب
حسین دیه دیه خیمه سرادن آیریلدی
.
اوایستیور کسه باش جایزه آلا اما
قیامته کیمی زینب اخادن آیریلدی
.
اون ایکی ضربتیلن یاحسین سنون باشون
قاباخدان اولمادی ممکن قفادن آیربلدی
.
یشیتسه ده ایلمز بو سوزی بیری باور
حسین غمینده بو ( خاکی ) نوادن آیریلدی
.
- دوشنبه
- ۲۱
- مرداد
- ۱۳۹۸
- ساعت
- ۱۲:۱
- نوشته شده توسط
- ابوالفضل عابدی پور
- شاعر:
-
حاج روح الله رمضانی
ارسال دیدگاه