• پنج شنبه 9 فروردین 03


متن شعر ترکی شجاعت حضرت علی اکبر (ع) -(گئدیب رزمه نوجوان اکبر شبه پیغمبر یا رسول الله )

4729
6

گئدیب رزمه نوجوان اکبر شبه پیغمبر یا رسول الله 
عقابون اوستونده چون حیدر فاتح خیبر یارسول الله 
خبر وئر جنتده زهرایه 
بو چولده گلسین تماشایه 
یارسول الله یا رسول الله .... 
عقاب اوسته سسله نیر علی اکبرم لشگر بیلمین بیلسین 
یوخومدی پروا بو لشگردن منله رزمه هر کیم گلیر گلسین 
گرکدور هر ضرب تیغیمدن بو منافقدن بیر باش اسگیلسین 
بو گون دولسون کربلا دشتی قانیله یکسر یا رسول الله 
دولاندیقجان صحن میدانی حیدره بنزیر سهم و صولتده 
گورن مبارک جمالینی ظن ائدیر چیخیب آیدی ظلمتده 
شباهتده ختم مرسلدی مرتضی علی دور شجاعتده 
قوپور نعلی مرکبیندن هی شعله اخگر یا رسول الله 
الینده تیغ شرر باری اود توگور گویدن راس کفاره 
ائدیب دور تنگ عرصه جنگی قانلی صحراده قوم اشراره 
کانه شیر خدا گلموش ذولفقار الده ایندی پیکاره 
رکابینده حیف اولا یوخدی مالک اشتر یا رسول الله 
نجئیکه طوفان ائدر هردم هی اولار بیر دریا تلاطمده 
اولار یا بیر زلزله گلسه کوه و دشت وصحرا تلاطمده 
او نوع پیکار اکبردن رزمگاه دعوا تلاطمده 
اولوب برهم رحم سیز صفلر قان توکن لشگر یارسول الله 
دئیور تکبیر دمبدم سسلور یا علی مولا بیر مدد سندن 
ویریر شمشیر شیر یزدان تک باشدی کی یکسر آیریلیر تندن 
دیوب صفلر بیر بیره یکسر یوخ امان اولموش لشگر ایمندن 
ملک لردن سس گلیر گویدن مرحبا اکبر یا رسول الله 
دوشوب لرزه ضرب شصتیندن شبه طاهانین شامیان ایچره 
کسیک باشلار سویلویور نفرین ابن مرجانه یئرده قان ایچره 
باخان دئیور شیر هیجادی حمله ائیلیوب روبهان ایچره 
ائدیب یکسر کربلا دشتین قانلی بیر محشر یا رسول الله 
نقدری وار (قنبری)عومرون ال گوتورمه دامان اکبردن 
امیدین سن هئچ زمان کسمه آستان آل پیمبردن 
شفاعت ائیلر قیامتده ایسته سن اگر شاه محشردن 
دئیرسن اخلاصیمه شاهد یازدیغیم دفتر یا رسول الله 

  • دوشنبه
  • 21
  • مرداد
  • 1398
  • ساعت
  • 12:16
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران