ای صبا من تک گل شور و شینه
منیم دیلیمجه عرض ائت حسینه
.
منده غم حالی عیاندی
کوفیه گلمه اماندی
ذره ذره جسم و جانیم
شمعی تک اوت دوتدی یاندی
.
فرقتون شمعی سونیدی
گردش عالم دونیدی
من سنه نامه یازاندا
کاش الیم اوندا سنیدی
.
گلمه مولا ....
.
.
.
.
گل قالوب گوئیا خار الینده
قالموشام اوجور اشرار الینده
.
گل قالوبدی خار ایچینده
گزموشم انظار ایچینده
ایپ قولوما سالدی اعدا
سورودی بازار ایچینده
.
چوخ یارام وار بی طبیم
اوز ائلیمنون بی نصبیم
آند اولا اصغر جانونا
کوفه شهرینده غریبم
.
گلمه مولا ....
.
.
.
.
شهر اهلی اوت قلب زاره وردی
هر گلن مسلمه یاره وردی
.
اوستومه اوباش توکولدی
دیده دن قانیاش توکولدی
غفلتا” تا کی یخلدیم
هر طرفدن داش توکولدی
.
چوخدی قیل و قال کوفه
قان دیور دجال کوفه
مسلمی ائتدی لگد مال
خرداجا اطفال کوفه
.
گلمه مولا....
.
.
.
.
بامیدن گوزوم اشراره دوشدی
نیزه اوخ ساتان بازاره دوشدی
.
شمر ایتی خنجر آلوردی
نیزه اوخ لشکر آلوردی
حرمله گوردوم گزوردی
زهریلی اوچ پر آلوردی
.
اوز الین احبابیلردن
جمله شیخ و شابیلردن
مسلمون حالون خبر آل
کوفه ده قصابیلردن
.
گلمه مولا....
.
.
.
.
یوخ ذره جه وفا بو امته
غریبلر تک ئولورم غربته
.
دوزدی دوشدم من عذابه
غملریم گلمز حسابه
سن ولی گلمه اماندی
رحم ائله بیکس ربابه
.
کوفه نون گوردوم بلاسین
هم بلاسین هم جفاسین
حرمله قورخوم بودور کی
اوخلیه دیلسیز بالاسین
.
گلمه مولا.....
.
- سه شنبه
- 22
- مرداد
- 1398
- ساعت
- 14:12
- نوشته شده توسط
- ابوالفضل عابدی پور
- شاعر:
-
محمد قربانی وصال تبریزی
ارسال دیدگاه