ای ولی الله اعظم هادی دین و شریعت
وی اونومجی اختر تابندۀ برج حقیقت
.
.
ای سلیل پاک حیدر حکمت و تقواسی اکمل
وارث حلم پیمبر لیل جهل و ظلمه مشعل
دامنیندن یابن زهرا تا بو جان وار ئوزمرم ال
اخذ ائدم تا درگهیندن اعتبار و معنویت
.
.
حجّت برحقّ یزدان ای احبّا ایچره اصلح
ال تاپوبلار کوفه و شامه نئچه قوم مسلح
داعش و وهّابی وتکفیریان اولموشلا مطرح
ظاهراً تک تک مسلمان ، ایشلری امّا جنایت
.
.
موصلی آلمیش اله اشرار افراطیّ داعش
نه قانیللار عجز و لابه نه تمنا و نه خواهش
ظاهراً آیری ممالک ، بو ایشه ایلور همایش
باطناً اما ائدوللر داعشی لردن حمایت
.
.
ریشۀ بو فتنه فی الواقع اولوب شهر مدینه
اوندا کی برپا اولوندی اوردا شورای سقیفه
حیدرین حقین دانوبلار اولدولار بیربیر خلیفه
تا قیامت هر نه فتنه اولسا عاملدی او علت
.
.
فتنه گرلر گر داغیتسا کوفه و شام و دمشقی
چپ باخانمازلار بو ایرانه عیاندی خطّ مشقی
وار نه اندازه بیلوللر سینه میزده حیدر عشقی
مرتضی عشقی ئورکده ایلروخ دیندن حمایت
.
.
منتظرگوزلرگوزتلیرنصرت حق شهدی گلسون
من دعاایلوم سن آمین دی،وصالین عهدی گلسون
کعبه بامیندن الینده خنجر,اوغلون مهدی گلسون
حشر اعظمدن قاباخ برپا اولونسون بیرقیامت
.
.
خنجر برّانیلن قطع ایله سون حَبلُ الفسادی
سسله سینلر عرشیان و فرشیان کلّا ً بو آدی
دگمه سین گوز اوغلونا، زهرا دئسون وَ ان یکادی
ایله سینلر یوسف زهرایه بیعت کلّ خلقت
.
.
سیّدی مولا بو یولدا سن منه شمسُ الهُدیٰ اول
مشکلیم چوخدوربیلورسن گل ئوزون مشکل گشا اول
خطّ سیر ِمسلکیمده رهگشا اول رهنما اول
تا مگرتاپسون«مُصَیّب» درد ومحنتدن فراغت
.
- چهارشنبه
- 23
- مرداد
- 1398
- ساعت
- 10:39
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه