• پنج شنبه 9 فروردین 03

 حاج اصغر فرشچی

متن شعر ترکی غدیریه -(جام ولا گتور ساقی گلوب بهار )

634

جام  ولا گتور ساقی گلوب بهار 
مولا علی اولوب بو گونده تاج دار 
عشقینده ایلیوب عاشق لرین  خمار 
وار دور لیاقتی = اخلاص و همتی 
بخ  سنه علی اولدون حقه ولی 
هویا  علی  مدد      مولا علی مدد 
وحی اولدی احمده ای ختم الانبیا 
افشا ایله بوله یر اهلی بر ملا 
سندن صورا علی رهبر گرک  اولا 
تاپشورامانتی  = جمع ایت رسالتی 
بخ  سنه علی اولدون حقه ولی 
هویا علی مدد  *  مولا علی مدد 
تکمیل دین  ایدر  واردور  عدالتی 
تفویض  قیل  اونا  امر  ولایتی 
ویردوخ عم  اوغلوا بو گون امامتی 
وار دور عدالتی  = دوز گون  قضاوتی 
بخ   سنه   علی   اولدون    حقه  ولی 
هویا علی  مدد  *  مولا علی  مدد 
مولا سن  هرکیمه مولا اونا علی 
دنیای دین اولار  نوریله منجلی 
منصوب اولوب  بیزه شیرخدا ولی 
واردور دیانتی =  حفظ  امانتی 
بخ  سنه علی اولدون حقه ولی 
هویا  علی مدد  * مولا  علی  مدد 
بو  یر غدیر خم  اوچ  یول گیدنلره 
گلسین دئدی گیدن دورسون گلنلره 
گیتدی رسول حق اول یرده منبره 
من کنت  سویلدی =   بولسونله اُمّتی 
بخ سنه علی اولدون حقه ولی 
هویا علی مدد *  مولا علی مدد 
گون قوزادی گویه به به  قمر الین 
امرایلیوب دئدی خلاق العالمین 
مندن صورا علی  رهبردی جانشین 
واردور نجابتی  = دوزگون عبادتی 
بخ سنه علی اولدون حقه  ولی 
هویا  علی  مدد *  مولا  علی  مدد 
هر کس  باش  اگمیه  امر  ولایته 
ال آچسا هر نقدر ذکرعبادته 
مولاسی بولمسه چاتماز   سعادته 
بولدوز حقیقتی  =  حقدن  عبارتی 
بخ سنه  علی اولدون حقه   ولی 
هویا  علی  مدد   مولا  علی  مدد 
توحید مولکونه ای مقتدا  علی 
حلال مشکل و درده  دوا  علی 
لطف ایت بو«عدلیه» روز جزا علی 
وار دور قیامتی= اول گونده حسرتی 
بخ  سنه علی  اولدون حقه  ولی 
هویا  علی مدد   مولا  علی  مدد 

  • یکشنبه
  • 27
  • مرداد
  • 1398
  • ساعت
  • 12:18
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 295.05 KB
تعداد بازپخش 30
تاریخ بارگذاری یکشنبه 27 مرداد 1398 03:22

ارسال دیدگاه



ورود با حساب گوگل

ورود کاربران