بولمورم شیعه نه مِحنَت یوز ویروب آیا سیزه
عادت اولموش ناله چون ایّام عاشورا سیزه
.
.
هرگویول ملکونده وار بیر بزم ماتم ناله دن
فارغ اولماز دیده و دل گریه دن هم ناله دن
بزم غمده اولماسوز آسوده بیر دم ناله دن
بیت الحزان دور مگربو صفحۀ عالم سیزه
.
.
آه و وایه دلده نی تک جمله همدرد اولموسوز
اشک خون آلود توکمکدن رخ زرد اولموسوز
مرحبا اولسون سیزه کیم خلقدن فرد اولموسوز
روز وشب حسرت چکر اَدنا سیزه اَعلا سیزه
.
.
فرش اولوب ایمدی بو بزم ماتمه بال مَلَک
رتبه ده بو محفل عالی اولوب رشگ َفلَک
انبیا حسرت چکر بو بزمه بالله یوخدی شَک
لطف ایدوب حق بیرگورون نه نعمت عُظما سیزه
.
.
بیرطرفده اگلشوب ایمدی امیرالمؤمنین
بیرطرفده فاطمه بیرگوشه ده روح الامین
بیرگورون شیعه اولوبسوزکیملریله همنشین
ایمدی خدمتکار اولوبدی مریم و سارا سیزه
.
.
شیعۀ یکرنگ اودور ایتسون اولونجه شوروشین
جام اشک چشمیدن اولسون او مست نشأتین
سیّد سجّاد قرخ ایل آغلادی بعد از حسین
رسم عشقی مشق ویردی شیعه اول مولا سیزه
.
.
زورق جسمیم اولوبدور غرق دریای تَعَب
آغلارام دوشدقجه بو سوزیادیمه هرروزشب
چخماسون ای شیعه لریادان حسین تشنه لب
بیر سفارش ایلیوبدور صبح عاشورا سیزه
.
.
✔️ سفارش حضرت اباعبدالله الحسین به شیعیان در روز عاشورا
.
شیعتی مَهْما شَرِبْتُم ماءِ عَذْبٍ فاذکرونی
اَوْ سَمِعْتُم بِغَریبٍ اَوْ شَهیدٍ فَانْدُبُونی
فاَنا السِّبْطُ الَّذی مِنْ غَیْرِ جُرْمٍ قَتِلُونی
وَ بِجَرد الخَیْلِ بَعْد القَتْلِ عَمْداً سَحِقُونی (1)
از بس یارالی نعشیمی آتلار ایاقلادی
سندی سوموکلریم قاریشوب قانه آغلیون
.
.
.
شیعه لرهریرده گورسوز بیرغریبی غرق و خون
من شهیدی یاد ایدون یاد اولمارام اصلا سیزه
.
.
ویردی عجز وانکساریله او شه دینه رواج
ایلدی اتمام حجتدن اوتورچوخ احتجاج
سویلدی ایقوم قتلمدن اولوبسوز لاعلاج
نیلیوب آخردیون بو زادۀ زهرا سیزه
.
.
آیری سالدوز ایمدی که قبر پیمبردن منی
ایلدوز هم قاسم و عباس و اکبردن منی
ایتمیون باری خجالت سیز بو اصغردن منی
بیرجه جرعه سو ویرون مهمان دگل آیا سیزه
.
.
قویمیون سوزعطش ایتسون بو طفلی دلکباب
ایلیون ای قوم بی رحم و مروّت بیرثواب
چوخ سوسوزدی سیزویرون باری بونا بیرجرعه آب
اکبرین قانین گچم منده جزاده تا سیزه
.
.
سیزکه عارف سیز منیم آباء و هم اجدادیمه
بس ندور وجهی یتیشمز کیمسنه امدادیمه
حکم اولاد زنادن ظلم ایدوب اولادیمه
بولمه دوزحق ناشناسان کیم منم مولا سیزه
.
.
هرکیم ایستر راه و رسم عشقیدن آگاه اولا
ترک جان ایتسون مبادا جانی سدّ راه اولا
عاشق صادق گرک مطلق فنا فی الله اولا
«راجی» صورتدن کچوب کشف اولسون اول معنا سیزه
ــــــــــــــ
(1) معنی :
شیعیان من! هنگامی که آب گوارا نوشیدید، مرا یاد کنید.
ویاهنگامی که ازغریبی یا شهیدی خبری شنیدید، برمن ندبه کنید.
من، نواده [پیامبر] هستم که مرا بی گناه کشتند.
و پس از آن از روی عمد، مرا پایمال سم اسبان کردند.
- دوشنبه
- 28
- مرداد
- 1398
- ساعت
- 14:52
- نوشته شده توسط
- ابوالفضل عابدی پور
ارسال دیدگاه