امر اولدی رسول اللهه
ابلاغ ائله خلق اللهه
کی جانشین سن تک شاهه
علی علی علی حیدردی
.
من کُنت مولا هذا مولا علی
امامت منصبینه دارا علی
دفتر شعرینده خداوند اوزی
قویوب تخلصینی حتی علی
.
حیدر مددی یا حیدر....
.
.
.
نوری بوروین آفاقی
میخانه حقده ساقی
مست ائلین هر عشاقی
علی علی علی حیدری
.
باِ بسم الله علیدور ثمر
توصیفی قرآندا گلوب معتبر
وصفینده قلم عاجزدی نه یازا
ها عليٌّ بشرٌ کیف بشر
.
حیدر مددی یا حیدر....
.
.
.
ای معنی آیات حق
باشدان باشا صفات حق
اللهه قسم ذات حق
علی علی علی حیدری
.
ملک عزت بولور علی سایه سین
آلوب جنت علیدن پیرایه سین
محرمده تکیه لر ده دم به دم
ذکر ائلین دیلده غدیر آیه سین
.
حیدر مددی یا حیدر....
.
.
.
کوینده ملک ملازیم
گُل یوزی قبله ی رازیم
تعریفینه قرآن لازیم
علی علی علی حیدردی
.
حق علیله اوزون هم ردیف ائدوب
عشقین جن و ملکه تکلیف ائدوب
حقِ قسم قرآنون هر سوره سی
آیه آیه علینی تعریف ائدوب
.
حیدر مددی یا حیدر....
.
.
.
شعریمده کی تمثیلاتیم
عشقیدی چشمه ی حیاتیم
نمازیده تسبیحاتیم
علی علی علی حیدری
.
علی آدی گرکدی تفسیر اولا
شیعه لر مُبلغ غدیر اولا
نه تکجه سُنی لر بلکه عالمین
اهلینه گرک علی امیر اولا
.
حیدر مددی یا حیدر....
.
.
.
مست ائلیوب بو مخموری
ضریحینون او انگوری
سالان باشیما بو شوری
علی علی علی حیدردی
.
قدرت حقله ائدوب اعجاز علی
عالمه وار یری ائده ناز علی
مام گیتی مینلر اوغول گر دوغا
حقِ قسم هیچ بیری اولماز علی
.
حیدر مددی یا حیدر....
.
.
.
شیر اوغلیدی شیر افکندی
زهرا آدیدور سر بندی
طاهانون اولان دلبندی
علی علی علی حیدری
.
الله وئروب عزتی یار الینه
بوسه ملک ورار وقار الینه
کفرین ائوین سالوبدی تزلزوله
آلوب او گونکی ذوالفقار الینه
.
حیدر مددی یا حیدر....
.
.
.
حیدر دُر والای عشق
بیز قطره او دریای عشق
کیمدور اولا مولای عشق
علی علی علی حیدردی
.
قلبیلره نورِ خدانی تاخار
چشمه مثالی رحمت حق آخار
الله دوروب عرشدن اوز سویگلی
علی ابن ابی طالبه باخار
.
حیدر مددی یا حیدر....
.
- دوشنبه
- 28
- مرداد
- 1398
- ساعت
- 15:17
- نوشته شده توسط
- ابوالفضل عابدی پور
- شاعر:
-
محمد قربانی وصال تبریزی
ارسال دیدگاه